ს.ს. მიკროსაფინანსო ორგანიზაცია „კრისტალი“ არის საერთაშორისოდ აღიარებული, მაღალი პასუხისმგებლობის მქონე და გამჭვირვალე საკრედიტო ორგანიზაცია, რომელიც 50,000-იდან 50,000 ლარამდე სესხების გაცემის გზით ემსახურება მიკრო და მცირე მეწარმეებსა და ფერმერებს.
კრისტალის საკრედიტო პორტფელი შეადგენს 45 მილიონ ლარს. კომპანიის 22 ფილიალი განთავსებულია საქართველოს 8 რეგიონში, სადაც 300-მდე კვალიფიციური თანამშრომელი ხარისხიან ფინანსურ მომსახურებას უწევს 25,000
მომხმარებელს. ამერიკელი და ბრიტანელი ინვესტორების გარდა, კრისტალი დაფინანსებას საერთაშორისო საფინანსო ინსტიტუტებისგან მოიზიდავს. 2013 წელს კრისტალი შევიდა მსოფლიოში ყველაზე გამჭვირვალე და მაღალი სოციალური პასუხისმგებლობის მქონე მიკროსაფინანსო ორგანიზაციების სამეულში.

აშშ საერთაშორისო განვითარების სააგენტომ საქართველოში საქმიანობა 1992 წელს დაიწყო. გასული წლების განმავლობაში ამერიკელმა ხალხმა, აშშ საერთაშორისო განვითარების სააგენტოს საშუალებით, საქართველოში დაახლოებით მილიარდ ნახევარი დოლარის ოდენობის ინვესტიცია განახორციელა, გრანტების და კონტრაქტების საშუალებით. ყველა მის მიერ დაფინანსებული პროექტი გამიზნულია საქართველოს დასახმარებლად და ქვეყნის თავისუფალ და განვითარებულ დემოკრატიულ სახელმწიფოდ ჩამოსაყალიბებლად. კერძოდ, ის ხელს უწყობს ისეთი პროგრამების განვითარებას, რომელიც ხელს უწყობს ქვეყნის ეკონომიკურ ზრდას, გამჭვირვალე და ანგარიშვალდებული მმართველობის განვითარებას, ენერგეტიკული და ეკოლოგიური საკითხების, ჯანდაცვის და განათლების სისტემების გაუმჯობესებას.

PH International არის ამერიკული არამოგებაზე ორიენტირებული ორგანიზაცია, რომელმაც წარმომადგენლობა საქართველოში 2000 წელს დააფუძნა. თუმცა, ორგანიზაციამ სხვადასხვა საგანმანათლებლო და გაცვლითი პროგრამებით საქართველოსთან თანამშრომლობა 1989 წლიდან დაიწყო. ორგანიზაცია ოთხი ძირითადი მიმართულებით მუშაობს: განათლების განვითარების პროგრამები; პროფესიული განვითარების პროგრამები; თემის განვითარების პროგრამები და ინტერნეტ ტექნოლოგიური პროგრამები.

1989 წლიდან მოყოლებული, ორგანიზაციას განხორციელებული აქვს რამოდენიმე ათეული პროგრამა საქართველოში. მისი პროგრამები ხელს უწყობს სკოლებში სამოქალაქო განათლების სწავლების ხარისხის გაუმჯობესებას, სამოქალაქო განათლების პედაგოგების პროფესიულ განვითარებას, მოზარდებში დანაშაულის პრევენციას, ახალგაზრებში სამეწარმეო უნარ-შესაძლებლობების გაზრდას და დასაქმების ხელშეწყობას, სახალხო დიპლომატიას, სკოლებში ინგლისური ენის სწავლა-სწავლების განვითარებას, ინგლისური ენის ხელმისაწვდომობას სოციალურად დაუცველი ახალგაზრდებისთვის, საზოგადოებაზე ორიენტირებული პოლიციის პრაქტიკების დანერგვას, ახალი ტექნოლოგიური გადაწყვეტილებების დანერგვას განათლებაში და მესამე სექტორში. მისი პროგრამები ასევე მიმართული იყო ოჯახური ძალადობის პრევენციაზე და ქალების გაძლიერებაზე რეგიონებში. ორგანიზაცია წლების მანძილზე ანხორციელებდა გაცვლით პროგრამებს აშშ-ში, სადაც 700 - ზე მეტ საქართველოს მოქალაქეს აქვს მონაწილეობა მიღებული. ორგანიზაციას აქვს დიდი გამოცდილება საგრანტო პროგრამების ადმინისტრირების მიმართულებით, რომელიც ხელს უწყობს სამოქალაქო აქტივიზმის და ახალგაზრდული სერვისების დანერგვას საქართველოს ყველა რეგიონში.

“მაკლეინის ასოციაცია ბავშვებისთვის” დაარსდა 2008 წელს და მისი მიზანია საქართველოში დაუცველი ადამიანების ცხოვრების გაუმჯობესება და მათი შესაძლებლობების მაქსიმალურად გამოსავლენად რესურსების და მომსახურებების უზრუნველყოფა. “მაკლეინის ასოციაცია ბავშვებისთვის” მიიჩნევს, რომ საზოგადოების ინიციატივებს გადამწყვეტი როლი აქვს შეზღუდული შესაძლებლობის მქონე და მათთან მომუშავე პირთათვის დახმარების მობილიზებასა და მხარდაჭერაში.