ჩვენ ტოლერანტები ვართ

საქართველო მრავალეროვანი ქვეყანაა ჩვენს ქვეყანაში მრავალი ეთნოსი ცხოვრობს აუცილებელია ვიცოდეთ ერთმანეთის რელიგიისა და კულტურის შესახებ.პროექტი მიზნად ისახავს მონაწილეებს გააცნოს ქვეყანაში მცხოვრები ეროვნული უმცირესობების ისტორია მათი ცხოვრება და ადათ წესები ძირითადი სარწმუნოებრივი მიმდინარეობანი და გააძლიეროს ურთიერთპატივისცემის გრძნობა. 126 საჯარო სკოლა აქტიურად ჩართულია ტოლერანტობის საგანმანათლებლო–აღმზრდელობით პროგრამაში, რომელიც მომზადებულია ორგანიზაციის ,,გადავარჩინოთ ბავშვები” (Seve the Children) და ეროვნული სასწავლო გეგმებისა და შეფასების ცენტრის მიერ .სკოლაში 1-4 კლასებში ცალკე საგნად ისწავლება ტოლერანტობა. ამ თემაზე ასევე აქტიურად მუშაობს ქართულ-გერმანული სკოლა ,,ა-Z” . მან მონაწილეობა მიიღო კონკურსში ,,კარი დიპლომატიისაკენ”, რომელიც არის აშშ-ს სახელმწიფო დეპარტამენტის მიერ დაფინანსებული საგანმანათლებლო ინიციატივა. ,,ა–Z”-ის მოსწავლეებმა განახორციელეს პროექტი ,, Be Tolerant” (იყავი ტოლერანტი), რომელიც ეხებოდა საქართველოში მცხოვრებ ეროვნულ უმცირესობებს (ებრაელებს, ბერძნებს, გერმანელებს, პოლონელებს, უკრაინელებსა და ქურთებს). პროექტის ფარგლებში ებრაული სკოლა ,,თიფერათ–ცვი”–ისა და გრუშევსკის სახელობის 41-ე საჯარო უკრაინული სკოლების მოსწავლეებთან ერთად მოაწყეს ერთობლივი საქველმოქმედო კონცერტი იაპონელი ბავშვების დასახმარებლად. საქართველოს ებრაელთა საზოგადოებრივმა გაზეთმა,, ჟამი ერთობისა"-მ გააშუქა ეს პროექტი და კონცერტი.პროექტის მონაწილეებმა დაამყარეს კავშირი საქართველოში მცხოვრებ ეროვნულ უმცირესობათა სათვისტომოებთან .შეხვდნენ ებრაული სახლის სათემო რელიგიურ პროგრამათა ხელმძღვანელს მეცნიერებათა დოქტორს ქალბატონ-ზაირა დავარაშვილს . გერმანული სათვისტომო,, აინუნგი"-ს პრეზიდენტს ბატონ გარი აუქსტს .
ბერძნული სათვისტომოს პრეზიდენტს , ოდისია დიმიტრიადის სახელობის კულტურის ცენტრის პრეზიდენტს -ქალბატონ მადონა სავიდს,პოლონეთის ელჩს ქალბატონ ურშულა დოროშევსკას სპორტული რადიო,, ჯა-კო"-ს დამფუძნებელსა და გენერალურ დირექტორს ჯამლეტ ხუხაშვილს, ებრელ ქალთა საზოგადოების პრეზიდენტს -ქალბატონ ევა ბაბალაშვილს
შექმნეს საიტი http://betolerant.edu.ge/.
126–ე საჯარო სკოლისა და ,,ა–Z’’-ის მოსწავლეებმა 2010 წელს ერთობლივად განახორციელეს პროექტი, რომელიც ეხებოდა საქართველოს ისტორიულსა და ბუნების ძეგლებს და ქართულ ფოლკლორს.
ჩვენი გამოცდილებიდან გამომდინარე ვაგრძელებთ თანამშრომლობას. ამიტომ გადავწყვიტეთ, რომ ეს პროექტი ჩვენი დაწყებული მუშაობის და განხორციელებული პროექტების გაგრძელება ყოფილიყო.