შეუძლებელი არაფერია

დებატებისა და საჯარო გამოსვლების ბანაკში, რომელიც გაიმართა (2012-2013 წწ) მონაწილეობა მიიღო თბილისის სამოქალაქო განათლების კლუბების 20-მა წარჩინებულმა მოსწავლემ და 2 მასწავლებელმა, შევისწავლეთ კარლ პოპერის სახელობის დებატების ტექნიკა. ბანაკში მიღებული ცოდნისა და გამოცდილების შემდეგ „თბილისის მწვანე სკოლაში” შევქმენი დებატების მიმართულებით კლუბი, ამ კლუბში მოსწავლეები ეუფლებიან დებატების ტექნიკას, კლუბის მეცადინეობებს და საჯარო დებატებს გეგმავს და ახორციელებს “ საქართველოს დებატებისა და განათლების ინსტიტუტის“ ტრენერ-კონსულტანტები. “ თბილისის მწვანე სკოლის” სამოქალაქო განათლების კლუბ „ახალგაზრდა სანგვინიკების” აქტივობებს შორის ერთ-ერთია სტუმრობა საქართველოს უსინათლოთა კავშირში, სადაც დაესწრნენ მათ მიერ გამართულ ღონისძიებებს და გაჩნდა იდეა, რომ „თბილისის მწვანე სკოლაში“ გაიმართოს საჯარო დებატები, რომელშიც მონაწილეობას მიიღებენ საქართველოს უსინათლოთა კავშირის წევრები, „თბილისის მწვანე სკოლის“ და დებატებისა და საჯარო გამოსვლების ბანაკში მონაწილე მოსწავლეები. გაიმართება მათთვის ტრენინგი, რომლის დასრულების შემდეგ უსინათლოები დაეუფლებიან დებატების ტექნიკას. საქართველოს დებტებისა და განათლების ინსტიტუტის ტრენერ-კონსულტანტთაგან ჩაერთვებიან ის ტრენერ-კონსულტანტები, რომლებსაც აქვთ გამოცდილება უსინათლოებთან მუშაობის. ყველა ის საჭიროება იქნება გათვალისწინებული, რომლებიც უსინათლოებისათვის მნიშვნელოვანია. გაიმართება შეხვედრები ექსპერტებთან, შეირჩევა თემა და „თბილისის მწვანე სკოლაში“ გაიმართება საჯარო დებატები.