სამოქალაქო კლუბის მდგრადობისათვის

ბახვის საჯარო სკოლაში სამოქალაქო კლუბი პროგრამის განხორციელების პირველივე წელს ჩამოყალიბდა, დღემდე კლუბს არაერთი ღონისძიება, ინიციატივა თუ შეხვედრები მოუწყვია, კლუბი აქტიურად ერთვებოდა პროგრამის ყველა მიმართულებაში. ჩვენს კლუბს დიდი სურვილი აქვს, პროგრამის დახურვის შემდეგაც გააგრძელოს აქტიური მუშაობა, არ დაკარგოს ის ცოდნა და გამოცდილება, რაც აქამდე მიუღია და გადასცეს მომავალ თაობას. სიცოცხლისუნარიანობისა და მომავალი მდგრადობისთივს კი საჭიროა ფინანსური მხარდაჭერაც, რისთვისაც გადავწყვიტეთ გამოვიყენოთ ჩვენი სკოლის ხელთ არსებული რესურსი, კერძოდ მიწის ნაკვეთი, რომელზეც შესაძლებელია შემოსავლიანი კულტურის, კერძოდ თხილის გაშენება. სკოლის დირექცია თანახმაა, არსებული ნაკვეთი კლუბმა გამოიყენოს თვითგანვითარებისათვის. შეღობვისა და განაშენიანების პროცესში აქტიურად დაგვეხმარება სხვადასხვა მხარე: მცირე გრანტის ფარგლებში ჩამოყალიბებული ,,საზოგადოებრივი დარბაზის“ წევრები, სკოლის მშობელთა კომიტეტი, კლუბის წევრი მოსწავლეები იზრუნებენ ნერგების მოძებაზე და შემოღობვით საქმიანობებში, ადგილობრივი თვითმმართველობა უზრუნველყოფს ნერგების ტრანსპორტირება.