პროექტის მიზანია მცხეთის #2 საჯარო სკოლაში სამოქალაქო კლუბის ოთახის მოწყობა მოსწავლეებში მოქალაქეობრივი შეგნებისა და აზროვნების განვითარების, მოსწავლის დამოუკიდებელ პიროვნებად და საზოგადოების სრულფასოვან წევრად ჩამოყალიბების მიზნით.

სამოქალაქო განათლების საგნის სწავლებას ჩვენს სკოლაში არცთუ დიდი ხნის ისტორია აქვს. შესაბამისად, მისი ადგილი და მნიშვნელობა სხვა სასკოლო საგნებს შორის, კარგად არ აქვთ გაცნობიერებული, როგორც თავად მოსწავლეებს, ისე მათ პედაგოგებსა და მშობლებს. ამავე დროს ეს საგანი ერთ-ერთი საშუალებაა მოსწავლეთა სოციალურად აქტიურ მოქალაქეებად ჩამოსაყალიბებლად, რომლებსაც ეცოდინებათ თავისი უფლება-მოვალეობები, სამოქალაქო პასუხისმგებლობანი და შეეძლებათ მათი რეალიზება.
ამიტომ მნიშვნელოვნად მიგვაჩნია სკოლაში შეიქმნას სპეციალური სივრცე, რომელიც მოსწავლეებსა და საგნის პედაგოგს დაეხმარებათ სხვადასხვა მნიშვნელოვანი ღონისძიებების ორგანიზებაში.