ადექვატური გარემო - სასკოლო სამოქალაქო კლუბს ,,Creative"

ჩვენი პროექტი ორ პრობლემაზეა ორიენტირებული.
პ ი რ ვ ე ლ ი მიზანია სასკოლო სამოქალაქო კლუბის გაძლიერება, რისთვისაც სკოლის დირექციის მიერ გამოყოფილი ოთახი გარემონტდება, აღიჭურვება ავეჯით.კლუბს ექნება საკუთარი ფართი აქტივობების წარმართვისათვის.
პროექტს უხელმძღვანელებს პედაგოგი ნონა თინიკაშვილი.
ამ პროცესში თავად კლუბის წევრების,პედაგოგების და მშობლების მონაწილეობა მათ შემატებს ახალ უნარ-ჩვევებს, გაზრდის მათ შემდგომ მოტივაციას და თავდაჯერებულობას.
პროექტს აქვს მ ე ო რ ე მიმართულებაც, ეს არის თემში გენდერული ცნობიერების ამაღლება.ამ მიზნით თემის მოსახლეობაში სამოქალაქო კლუბის წევრები ჩაატარებენ მცირე კვლევას. კვლევის შედეგების ანალიზის საფუძველზე გამოიკვეთება ის თემები, რომელზეც საჭიროა მოსახლეობის ცნობიერების ამაღლება.
კლუბის წევრები მოიძიებენ მასალებს გენდერის თემაზე, დაამუშავებენ კონფერენციისათვის, რომელსაც გარდა მოსწავლეებისა და პედაგოგებისა თემიდან მოწვეული სტუმრებიც დაესწრებიან.
ვაჩვენებთ გენდერის თემაზე შექმნილ თემატურ ფილმს და მოვაწყობთ დებატებს.
ახალ გარემოში მოვაწყობთ პროექტის შემაჯამებელ პრეზენტაციას, სადაც ნაჩვენები იქნება ჩვენს მიერ მომზადებული პროექტის მიმდინარეობის ამსახველი ვიდეორგოლი. აქვე გავავრცელებთ სამუშაო ჯგუფის მიერ მომზადებულ საინფორმაციო ფურცელს გენდერის თემაზე.
პროექტის განხორციელებაში მონაწილეობას მიიღებენ კლუბის წევრები, პედაგოგები, მშობლები.
პროექტის მიმდინარეობის და შედეგების ასახვას მოვახდენთ საკლუბო ბლოგზე.გამოვუშვებთ კედლის გაზეთს.