არბოშიკის ,ზემო მაჩხაანისა და ოზაანის საჯარო სკოლებში სამოქალაქო ცნობიერების ამაღლება და დემოკრატიული პროცესების ხელშეწყობა

პროექტის მიზანია სკოლაში შევქმნათ სამოქალაქო განათლების კლუბი,რომლის ბაზაზე შეიქმნება არბოშიკისა და მეზობელი სკოლების: ზემო მაჩხაანისა და ოზაანის საჯარო სკოლების მოსწავლეთა , მასწავლებელთა და სკოლის დირექტორთა ალიანსი, რომლის შედეგადაც პროექტში ჩართული თითოეული მონაწილე უკეთ გაიცნობს მოქალაქის უფლებებსა და პასუხისმგებლობებს, იზრუნებს სხვა ადამიანების კეთილდღეობაზე, შესძლებს საკუთარი მოსაზრებებისა და არგუმენტების არტიკულაციას და პასუხისმგებლობის აღებას საკუთარ თავზე. უფრო აქტიური იქნება თავის თემში .პროექტის განხორციელების შედეგად :
 სასკოლო ცხოვრება გახდება უფრო სახალისო და მოტივირებული.
 გვექნება უკეთესი გარემო, სადაც გაიმართება დისკუსიები, ჩატარდება კონფერენციები, შეიქმნება პროექტები, გაიმართება სიმულაციური თამაშები , რის შედეგადაც გაიზრდება პროექტის პირდაპირი და არაპირდაპირი ბენეფიციარების სამოქალაქო ცნობიერება.
 შეიქმნება არბოშიკის , ზემო მაჩხაანისა და ოზაანის სკოლების საზოგადოებების ალიანსი.
არბოშიკის საჯარო სკოლის ადმინისტრაცია სამოქალაქო კლუბის ფუნქციონირებისათვის გამოყოფს ფართს და უზრუნველყოფს კლუბს ტექნიკური საშუალებებით: ვიდეო გადამღებით, კომპიუტერითა და პროექტორით. მშობელთა რესურსით ოთახს ჩაუტარდება კოსმეტიკური რემონტი. საგრანტო თანხით სამოქალაქო კლუბისათვის შევიძენთ ინვენტარს (მაგიდებსა და სკამებს).