ბუდრუგანა

პროექტის განხორციელება დაიწყება პროექტის პრეზენტაციით. პრეზენტაციას დაესწრებიან მოსწავლეთა თვითმმართველობისა და სამოქალაქო კლუბის წევრები; აირჩევა საინიციატივო ჯგუფი, განაწილდება დავალებები. მოსწავლეები მოიძიებენ და შეისწავლიან თოჯინების თეატრის ისტორიას; ხაშურის თოჯინების თეატრის დასის მსახიობები ჩაატარებენ მასტერკლასებს; გამოცხადდება თოჯინების ესკიზების კონკურსი, შემდეგ, შეძენილი მასალით, მოსწავლეთა გარკვეული ჯგუფი, დაიწყებს შესაბამისი მინი სპექტაკლებისათვის თოჯინების დამზადებას; მათი ნაწილი იმუშავებს მინი სპექტაკლების დეკორაციებზე, ნაწილი - თოჯინების თეატრის სცენის შექმნაზე
2 თვის მანძილზე, შესწავლილი და დამუშავებული მასალით მთელი გუნდი დაიწყებს პროექტის პრაქტიკულ განხორციელებას მინი სპექტაკლების ჩვენებით. საზეიმოდ გაიხსნება თოჯინების თეატრი ,,ბუდრუგანა”. სპექტაკლები განაწილდება კლასების მიხედვით (II -IXკლასი). მინი სპექტაკლების ჩვენების შემდეგ, სპეციალურად შექმნილი ჟიური გამოავლენს სხვადასხვა ნომინაციებში საუკეთესოებს: გამხმოვანებელს, თოჯინების ავტორს, სპექტაკლს, რეჟისორს, დეკორაციას. გამარჯვებულები დაჯილდოვდებიან სპეციალური პრიზებით და დიპლომებით. პროექტი არ იქნება ერთჯერადი. იგი ყოველწლიურად განახლდება ახალ-ახალი რეპერტუარით.
მთელ პროექტს კოორდინაციას გაუწევს სკოლის დირექტორი ნ. აბაზაძე, მოსწავლეთა ჯგუფებს ეყოლება 5 კონსულტატი მასწავლებელი ( ნ.გოგალაძე, ნ. ცხადაძე, ი. ჩაჩანიძე. მ. ჩადუნელი, მ. თათარაშვილი), რომლებიც პასუხისმგებლები იქნებიან თოჯინების ხარისხზე, მინი სპექტაკლის სცენარებზე, დეკორაციებზე, მუსიკალურ გაფორმებაზე და ა.შ.