"ჩვენ მათთვის ვქმნით ახალ"

სტატისტიკის მიხედვით, საქართველოში შეზღუდული შესაძლებლობის მქონე ბავშვთა რიცხვი საკმაოდ მაღალია. ამის გათვალისწინებით, საჭიროა საზოგადოებისა და კერძოდ მათი თანატოლების გააქტიურება, რათა ვაგრძნობინოთ მათ, რომ ისინიც საზოგადოების სრულფასოვანი წევრები არიან.
თითქმის ნებისმიერ გარემოში ვხვდებით ისეთ ადამაინს, რომელიც უნარ-შეზღუდულია, ასეთ პირობებში მათი მხარდაჭერა თითოეული ადამიანის ეთიკურ მოვალეობას წარმოადგენს.
ამ მიზნით, პროექტის ავტორებს გვსურს მჭიდროდ ვითანამშრომლოთ ადგილობრივ თვითმმართველობასთან და შეზღუდული შესაძლებლობის მქონე ბავშვები ჩავრთოთ სხვადასხვა სამოქალაქო ღონისძიებებში.
პროექტის მიზანია მხარდამჭერი ღონიძიებების გატარება, რაც საზოგადოების და ამ შემთხვევაში, მოსწავლეების მიდგომასა და დამოკიდებულებას შეცვლის შეზღუდული შესაძლებლობის მქონე ბავშვების მიმართ.
დასახული მიზნის მისაღწევად, ჩვენ მოვიძიებთ სპონსორებს, ვითანამშრომლებთ ადგილობრივ სამთავრობო სტრუქტურებთან. ჩატარებული აქტივობების შედეგად, ჩვენ ვაჩუქებთ რამდენიმე ბედნიერ დღეს შშმ ბავშვებს, მივცემთ მომავლის იმედს, გავუწევთ მორალურ-სოციალურ დახმარებას და მოვახდენთ საზოგადოებაში მათ სრულფასოვან ინტეგრირებას.