ჩვენ ტოლერანტები ვართ

პროექტის მიზანია ოზურგეთის მუნიციპალიტეტის დაბა ნარუჯის თემში ტოლერანტობის განვითარების ხელშეწყობა. თემში მცხოვრები სხვადასხვა ეთნიკური უმცირესობების კულტურის პოპულარიზაციის და მათი საზოგადოებაში ინტეგრაციის ხელშეწყობის გზით. პროექტში ჩართული ახალგაზრდებისა და ადგილობრივი თვითმმართველობის ორგანოების თანამშრომლობის ხელშეწყობა ეთნიკური უმცირესობების თემში ინტეგრაციასთან დაკავშირებული პრობლემების გადაწყვეტის მიზნით. პროექტის შედეგად მოხდება თემში სხვადასხვა ეთნიკური უმცირესობების წარმატებული ინტეგრაცია, გადაწყდება რამდენიმე მნიშვნელოვანი პრობლემა და საფუძველი ჩაეყრება ტოლერანტობის კლუბს საჯარო სკოლაში, რომელიც მუდმივად იქნება აქცენტირებული სოფლად საზოგადოების სხვადასხვა ასაკობრივ ჯგუფში ტოლერანტობის განვითარებაზე. ამის მისაღწევად პროექტის ახალგაზრდა მოხალისეები მხარდამჭერ პედაგოგებთან და ადგილობრივი თვითმმართველობის წარმომადგენლებთან ერთად მოახდენენ პროექტის საქმიანობების განხორციელებას, რომელიც დაფუძნებულია პროექტში ართული ადამიანებისა და თემის შესაძლებლობების გაზრდაზე, კულტურათაშორის დიალოგზე, პოპულარიზაციასა და ადვოკატირებაზე.