ჩვენ ციფრულ სამყაროში

პროექტის მიზანია ციფრული მოქალაქეობისა და ინტერნეტის უსაფრთხოების შესახებ ცნობიერების ამაღლება სკოლის საზოგადოებაში (მასწავლებლებში, მშობლებსა და მოსწავლეებში). ამ მიზნის მისაღწევად პროექტის გუნდი სკოლაში გამართავს სხვადასხვა აქტივობებს სკოლის საზოგადოების აქტიური მონაწილეობით. გუნდი ასევე ჩაატარებს გამოკითხვას საზოგადოებაში, რათა შეაგროვოს ინფორმაცია იმის შესახებ, თუ რამდენად კარგად შეუძლიათ მშობლებსა და მოსწავლეებს ამოიცნონ ინტერნეტ საფრთხეები.
შექმნიან საინფორმაციო მასალებს, როგორიცაა ბუკლეტები და პოსტერები/ნახატები, მოაწყობენ ფილმის ჩვენებას მშობლების ჩართულობით და აღნიშნავენ უსაფრთხო ინტერნეტის საერთაშორისო დღეს.
პროექტის საერთო მიზანია დაეხმაროს სკოლის საზოგადოებას იყოს უსაფრთხო და ინფორმირებული ინტერნეტით სარგებლობისას.