" დებატ კლუბი - გზა სამოქალაქო საზოგადოებისაკენ "

პროექტის მიზნებია:
.................
* სკოლის დემოკრატიზაციის ხელშეწყობა და მოსწავლეთა სამოქალაქო ცნობიერების მატარებელ საზოგადოებად ჩამოყალიბება სამოქალაქო განათლების კლუბის გაძლიერებისა და დებატ კლუბის ჩამოყალიბების გზით.
* ბორჯომის მუნიციპალიტეტის თვითმმართველ ორგანოსთან მჭიდრო თანამშრომლობა.
* კარლ პოპერის დებატების პოპულარიზაცია.
* მოსწავლეებში ცივილური კამათის, საკუთარი აზრების, იდეებისა და შეხედულებების დაცვის უნარის განვითარება.
* მოსწავლეებში აზრების თავისუფლად გამოთქმის, პრობლემების დანახვის, ლოგიკური და კრიტიკული აზროვნების, საჭირო ინფორმაციის მოძიების, პრეზენტირების, არგუმენტირების უნარ-ჩვევების ჩამოყალიბება.
* მოსწავლეებში დროის შეგრძნებისა და მისი რაციონალურად გამოყენების უნარის ჩამოყალიბება.

მოსალოდნელი შედეგები:
.....................
* სკოლაში დებატ კლუბის ამუშავებით გაიზრდება მოსწავლეთა დაინტერესება დებატებით, გაიზრდება მათი სამოქალაქო ცნობიერება და ისინი ჩამოყალიბდებიან სამოქალაქო საზოგადოების სრულფასოვან წევრებად, რაც, თავის მხრივ, გავლენას მოახდენს სკოლის თვითმმართველობის სერიოზულ ფუნქციონირებაზე.
* ბორჯომის მუნიციპალიტეტთან თანამშრომლობით სკოლის დებატ კლუბის წევრებს საშუალება მიეცემათ საკრებულომდე მიიტანონ მოსწავლე-ახალგაზრდობის პრობლემები და ერთად დასახონ პრობლემის გადაჭრის გზები.
* მოხდება დებატების პოპულარიზაცია. რაიონის სხვა სკოლის მოსწავლეები, რომლებიც დებატ ტურნირების დროს სტუმრის სტატუსით იქნებიან მოწვეულები, დაინტერესდებიან დებატებით
* მოსწავლეები დაეუფლებიან სადებატო კულტურას, ეცოდინებათ დროის რაციონალურად გამოყენება, მათ
განუვითარდებათ ცივილური კამათის, საკუთარი აზრების, იდეებისა და შეხედულებების დაცვის უნარი.
* მოსწავლეებს შეეძლებათ აზრების თავისუფლად გამოთქმა, პრობლემების დანახვა, ჩამოუყალიბდებათ ლოგიკური და კრიტიკული აზროვნება, საჭირო ინფორმაციის მოძიების, პრეზენტირების და არგუმენტირების უნარ-ჩვევები,
* მოსწავლეები ისწავლიან ქეისის წერას.