დებატკლუბების ჩამოყალიბება, სამოქალაქო განათლების კლუბების ერთ-ერთ მიმართულებად

შიდა ქართლის მაშტაბით შექმნილია და ფუნქციონირებს სამოქალაქო განათლების კლუბები, რომელთა საქმიანობა მრავალფეროვანია. უმნიშვნელოვანესია, რომ კლუბების ერთ-ერთ მიმართულებად ჩამოვაყალიბოთ დებატკლუბები, რადგან დებატები ავითარებს და ხელს უწყობს მოსწავლეებს დაეუფლონ მსჯელობისა და ლოგიკის ხერხებს. მოსწავლეებმა შეძლონ საკუთარი აზრის მკაფიოდ, გასაგებად წარმოჩენა. გაერკვნენ სოციალურ და გლობალურ პრობლემებში, სწორედ აღიქვან მიმდინარე მოვლენები და გახდნენ მათი აქტიური მონაწილე. დებატკლუბები ხელს შეუწყობს სამოქალაქო განათლების კლუბების კიდევ უფრო ეფექტურ მუშაობას. მოსწავლეებს დაეხმარება პროექტების შექმნასა და განხორციელებაში.
სამოქალაქო განათლების კლუბებს ჰყავთ მეურვე პედაგოგები. მოხდება შიდა ქართლის რეგიონიდან 20 პედაგოგისა და 40 მოსწავლის დატრენინგება. რის შედეგადაც პედაგოგები შეძლებენ ჩამოაყალიბონ დებატკლუბები საკუთარ სკოლებში. სადაც მოსწავლეები დაეუფლებიან დებატების ტექნიკას, კარლ პოპერის დებატების სტრუქტურას. რომელიც ემსახურება ისეთი მნიშვნელოვანი უნარ-ჩვევების განვითარებას მოზარდებში, როგორიცაა კვლევის მასალაზე მუშაობის, არგუმენტაციის, კრიტიკული აზროვნების, ოპონენტის პატივისცემის და სხვა მსგავსი უნარები.
დატრენინგებული მოსწავლეები შეძლებენ მონაწილეობა მიიღონ დებატებში.
• დაარსებულ დებატკლუბებს შორის სისტემატურად გაიმართება თამაშები. მსაჯის ფუნქციებს შეასრულებენ. გადამზადებული პედაგოგები.
• კლუბები დაარსებიდანვე ჩაერთვებიან ‘”დებატებისა და განათლების ინსტიტუტის” მიერ ორგანიზებულ ამიერკავკასიის მრავალეტაპიან კონკურსში.
• მონაწილეობას მიიღებენ “ამერიკული აკადემიის” მიერ დაწესებული გარდამავალი თასის ტურნირში.
• გაიმართება რეგიონალური და რესპუბლიკური ტურნირები
• აღნიშნული მიზნის უზრუნველყოფისათვის, მოცემული ტრენინგი შემდეგი სახის ამოცანის შესრულებაზე იქნება ორიენტირებული სამოქალაქო განათლების კლუბების წევრ მოსწავლეთათვის და მეურვე პედაგოგებისათვის.
• კარლ პოპერის დებატების წესების სწავლება და პრაქტიკული სავარჯიშოების ჩატარება თამაშის უკეთესი აღქმისთვის.
• მონაწილეებისათვის კარლ პოპერის დებატების მსაჯობის პრინციპებისა და გადაწყვეტილების მიღების კრიტერიუმების გაცნობა.
• პოპერის დებატების კლუბების ფორმირების, მოზარდებთან მუშაობისა და შეჯიბრებების ორგანიზების ძირითადი პრინციპებისა და მეთოდოლოგიის გაზიარება.
• კლუბების მუშაობის პროცესის ერთიანი კორდინაციის ( სუპერვიზირების) სისტემის წარდგენა მონაწილებისათვის.
• დებატკლუბების საქმიანობის შემდგომი კორდინაცია და ეფექტიანობის შეფასება “ დებატებისა და განათლების ინსტიტუტის” წარმომადგენლების მხრიდან.