,,ევრობავშვები / Euro kids"

დასავლურ სამყაროსთან სწრაფმა პოლიტიკურმა, ეკონომიკურმა და კულტურულმა ინტეგრაციამ, ფაქტობრივად, შეუქცევადი გახადა ჩვენი ქვეყნის ევროპეიზაციის პროცესი, მაგრამ ევროპული ფასეულობების გათავისება და მიღება ჯერ კიდევ უჭირს მოსახლეობის გარკვეულ ნაწილს.
არსებობს უამრავი მითი, თითქოს ევროპულ ოჯახთან კავშირი საფრთხეს შეუქმნის ქართულ კულტურას, ტრადიციებს, იდენტობას, დააკანონებს ერთსქესიანთა ქორწინებას, დაძაბავს ურთიერთობას ეთნიკურ უმცირესობებს შორის, ხელყოფს მართლმადიდებლური ეკლესიის ავტორიტეტს და ა.შ. მსგავსი ნეგატიური მოსაზრებებისა და დამოკიდებულების გასაბათილებლად, ვფიქრობ, აუცილებელია მთელი საზოგადოების, მათ შორის მოსწავლეთა ჩართულობა, რადგან სწორედ სკოლა არის ის ადგილი, სადაც ამ ქვეყნის მოქალაქეები ყალიბდებიან, მოქალაქეები, რომლებმაც უნდა უზრუნველყონ ჩვენი ქვეყნის მომავალი.
აქედან გამომდინარე, ჩვენი პროექტის მიზანია:

1.სასკოლო საზოგადოებაში ევროკავშირის შესახებ ცნობადობის ამაღლება;
2.ევროინტეგრაციის პროცესის მიმართ მოსწავლეთა ინტერესის გაზრდა და მათში აქტიური მოქალაქეობის კულტურის განვითარება;
3.მოზარდებში მრავალმხრივი ინტელექტის განვითარებისთვის ხელშეწყობა.