კინო მოქალაქეობა

წინამდებარე პროექტის მიზანია სამოქალაქო კლუბების საქმიანობაში ციფრული ტექნოლოგიების გამოყენება მცირემეტრაჟიანი ფილმების შექმნის და ფილმებით სწავლების გზით და სკოლებს შორის თანამშრომლობითი ურთიერთობების გაღრმავება, გამოცდილების გაზიარება.

პროექტის ფარგლებში მოსწავლეები გაეცნობიან სამოქალაქო კლუბის საქმიანობაში ტექნოლოგიების გამოყენების შესაძლებლობებს, ჯეოლაბის სკოლის კურსდამთავრებულები გამოცდილებას გაუზიარებენ თანატოლებს და ასწავლიან ციფრული პროდუქტის - ვიდეოების შექმნა-მონტაჟს. შესაბამისი კვალიფიკაციის მქონე სპეციალისტი მოსწავლეებს გააცნობს პროგრამებს, რომლის საშუალებითაც შესაძლებელი იქნება ფილმების მონტაჟი, ხმის სპეციფიკაზე და ფერების კორექციაზე მუშაობა.
პროექტის მონაწილეები წავლენ ექსკურსიაზე ქ. თბილისში კინოსტუდიაში და გაეცნობიან ფილმზე მუშაობის გამოცდილებას, სპეციფიკას.
პროექტის მონაწილეეების შესაბამისი ტექნიკური ცოდნით აღჭურვის შემდეგ, გამოცხადდება ფილმების კონკურსი, რომლის თემატიკა იქნება სამოქალაქო აქტივიზმი. ამ თემასთან დაკავშირებითაც მოსწავლეებს ჩაუტარდებათ ტრენინგი, მოსწავლეები გადაიღებენ ფილმებს, შეიქმნება ჟიური, რომელიც განიხილავს საკონკურსოდ წარმოდგენილ ფილმებს და დააწესებს ნომინაციებს.
საკონკურსოდ წარმოდგენილი ფილმების პრეზენტაცია-დაჯილდოების მიზნით მოეწყობა კინოფესტივალი, სადაც დაჯილდოვდებიან ნომინაციებში გამარჯვებული სამოქალაქო კლუბები.
პროექტის დასასრულს მოეწყობა შემაჯამებელი შეხვედრა, სადაც შეჯამდება პროექტის შედეგები.