მდგრადი განვითარება განათლებით იწყება. ერთად გლობალური მიზნებისკენ

პროექტი ჩატარდება სამოქალაქო განათლებისა და სხვა საგნების ინტეგრირებით. დაკავშირებულია ეროვნული სასწავლო გეგმის რომელიმე საგნის სამიზნე ცნებასთან და მასთან დაკავშირებულ მკვიდრ წარმოდგენებთან. სასკოლო პროექტი ორიენტირებულია მოსწავლეთა პროგრესზე.სასკოლო პროექტის ფარგლებში მჭიდრო თანამშრომლობაა კათედრებს, მასწავლებლებსა, სკოლის ადმინისტრაციას,მშობლებს, თემსა და ადგილობრივ თვითმმართველობას შორის;
პროექტში გათვლილია როგორც ფორმალურ, ასევე არაფორმალურ განათლება.
პროექტი არა მხოლოდ ცალკეული კლუბის, ცალკეული მასწავლებლების თუ მოსწავლეების სამუშაო და ჩართულობაა, არამედ არის სკოლისათვის შესაძლებლობების, ცოდნის ამაღლებისა და გაზიარების, პიროვნული ზრდისა და ორგანიზაციული განვითარების, თანამშრომლობის უწყვეტი პროცესი. პროექტის მთავარი მიზანია სოლიდარობა, თანამშრომლობა, პასუხისმგებლიანი დამოკიდებულება გარემოსადმი. არსებული თანამედროვე გლობალური პრობლემების შემცირება . ისეთი პრობლემები, როგორებიც არის: სიღარიბე, უთანასწორობა, უსაფრთხოება, კეთილდღეობა, მშვიდობისა და სამართლიანობის საკითხები, კლიმატური და ეკოლოგიურ გამოწვევები. სკოლის მოსწავლეებს მიაწოდოს ინფორმაცია მდგრადი განვითარების მიზნების შესახებ და დაანახოს საკუთარი ხელით ცვლილებების განხორციელების შესაძლებლობები ბუნებრივი და სოციალური გარემოს გასაუმჯობესებლად. მდგრადი განვითარება განათლებით იწყება. განათლება კი ფუნდამენტალური უფლებაა და მდგრადი განვითარების მძლავრი საშუალება. მდგრადი განვითარება პასუხობს დღევანდელ მოთხოვნილებებს იმგვარად , რომ მომავალ თაობებს შეუნარჩუნოს მათი მოთხოვნილებების დაკმაყოფილების შესაძლებლობა. თითოეული ჩვენგანის პიროვნულ არჩევანს დიდი ძალა აქვს და მნიშვნელოვანი გავლენის მოხდენა შეუძლია ლოკალურ და გლობალურ გამოწვევებზე.