პროექტი ,,ჩვენი ფშავი,,

გვანცა მეზვრიშვილი,  ნათია ცქიფაშვილი, სარედაქციო ჯგუფი-მოსწავლეები, სამოქალაქო კლუბის წევრები.

სამოქალაქო განათლების პედაგოგი,ქართული ენისა და ლიტერატურის პედაგოგი.

მაღაროსკარის თემის მოსახლეობის ინფორმირება გაზეთის ‘ჩვენი ფშავი”-ს საშუალებით;

ადგილობრივი თემის მოსახლეობას არ მიეწოდება თემში არსებული სხვადასხვა სახის ინფორმაცია, გაზეთ "ჩვენი ფშავის" საშუალებით მოსახლეობა მიიღებს ინფორმაციას თემში არსებული პრობლემების, მიღწევების, ახალი ამბების, წარმატების ისტორიების  (მოსწავლე/ახალგაზრდების, ქალების, თემის მოსახლეობის) და სხვა სიახლეების შესახებ.

მაღაროსკარის თემი ყოველ თვე მიიღებს ინფორმაციას თემში არსებულ სხვასხვა საკითხებზე. მოსწავლეები მიიღებენ გუნდური მუშაობის გამოცდილებას, შეიძენენ  კომუნიკაციის, სხვადასხვა სტრუქტურებთან თანამშრომლობის, ინტერვიუს აღების, წერილის წერის, პრობლემების მოძიების/გამოკვეთის და სხვა უნარჩვევებს. ისინი გახდებიან საზოგადებისათვის საჭირო ადამიანები.

(გაზეთს გამოუშვეენ სამოქალაქო კლუბის წევრი მოსწავლეები, მათ დაეხმარება სამოქალაქო განათლების მასწავლებელი,  ქართული ენისა და ლიტერატურის მასწავლებელი).

მოსახლეობაში ვრცელდება გარკვეული ინფორმაცია, მაგრამ ის არაა სრულყოფილი და ყველასთვის ხელმისაწვდომი, რის გამოც  სოფლის მცხოვრებლები განიცდიან ინფორმაციის ნაკლებობას,  ეს კი უარყოფითად მოქმედებს აქტიური სამოქალაქო საზოგადოების ფორმირებაზე.  სათემო გაზეთი კი ხელს შეუწყობს თემის ,როგორც სამოქალაქო საზოგადოების გააქტიურებას და მის ჩართულობას გადაწყვეტილების მიღების პროცესში.

გაზეთის გამოშვება ხელს შეუწყობს იმ პრობლემის გადაჭრას, რაც ითვალისწინებს იმას, რომ არაა ინფორმაციის წვდომა ისეთ საკითხებზე,როგორიცაა: ახალგაზრდების და მოსწავლეთა წარმატებები სპორტში, პროექტებში და ოლიმპიადებზე. ასევე ნაკლებია ინფორმაცია სამთავრობო, ადგილობრივი  ხელისუფლების სხვადასხვა პროგრამების, სასწავლო პროგრამების, არასამთავრობო ორგანიზაციებთან თანამშრომლობის,  დაგეგმილი ტრენინგების, ფესტივალების და სხვადასხვა ღონისძიებების შესახებ.

საბოლოოდ, გაზეთის გამოშვება ისეთი მნიშვნელოვანი პრობლემის მოგვარებას შეუწყობს ხელს, რასაც ინფორმირებულობის ნაკლებობა ჰქვია.

1. მოსწავლეების მიერ სამუშაო ჯგუფის  ჩამოყალიბება.

2. საჭირო ინვენტარის საშუალებების შეძენა.

3.ონლაინ და პირისპირ ტრენინგები მოსწავლეების (ინტერვიუს აღების, სტატიის წერის, ფოტოსურათების გადაღების  და სხვა უნარებზე)

4.კვლევის ჩატარება მოსახლეობის აზრის გასაგებად ადგილობრივი გაზეთის გამოშვებასთან დაკავშირებით, თემში არსებულ პრობლემებზე და საჭიროებებზე.

5.კვლების შედეგების შეჯამება.

6. პირველი ინტერვიუს აღება, დამუშავება.

7. ნიჭიერი მოსწავლე/ახალგაზრდების შემოქმედების მოკვლევა გაზეთში გასაშუქებლად,წარმატების ისტორიები,

8. გაზეთის დაბეჭვდა  სკოლაში არსებული, პროექტის ფარგლებში შეძენილი რესურსით ( გაზეთს გამოვცემთ თვეში ერთხელ A3 ფორმატის 8  გვერდი, 100 ცალი. გავრცელდება მაღაროსკარის თემის 10 სოფელში, მაღაროსკარის თემის სკოლებში, ვაჟა-ფშაველას სახლ-მუზეუმში, მიეწოდება ადგილობრივ ხელისუფლებას.

გაზეთში დაიბეჭდება სხვადასხვა  წერილები, კვლევები, იქნება საუბარი თემის პრობლემებზე, მისი გადაჭრის ხელშეწყობაზე, ახალგაზრდების ჩართულობაზე ადგილობრივი პრობლემების მოგვარებასთან დაკავშირებით, ადგილობრივ ხელისუფლებასთან თანამშრომლობის შესახებ. გაზეთის გვერდი ასევე დაეთმობა შემოქმედების გაშუქებას, დაიბეჭდება მოსწავლეთა ლექსები, ნახატები და წერილები, ახალგაზრდები აიღებენ ინტერვიუებს  უფროსი თაობისაგან საინტერესო ისტორიებზე, ტრადიციებზე,  გააშუქებენ წარმატებული ადამიანების ისტორიებს, ახალგაზრდების აქტივობებს)

9. სოციალურ ქსელში-ფეისბუქგვერზე განთავსდება პროექტის მიმდინარეობა, გაზეთის ყველა ნომრის ელექტრონული ვერსია

10. გაიმართება პროექტის პრეზენტაცია, სადაც მოვიწვევთ დონორ და პარტნიორ ორგანიზაციას, თემის წარმომადგენლებს, დუშეთის ახალგაზრდულ ცენტრს და ახალგაზრდულ საბჭოს, მშობლებს,  სასკოლო საზოგადოებას, ადგილობრივ ხელისუფლებას.

პრინტერი,

საკანცელარიო ნივთები,

კარტრიჯი

ფოტოაპარატი

ტრენერის ჰონორარი

მაღაროსკარის  თემის მოსახლეობა, საჯარო სკოლის მოსწავლეთა მშობლები,  მაღაროსკარის საჯარო სკოლა.

მაღაროსკარის თემის 10 სოფლის მოსახლეობა, სასკოლო საზოგადოება, მშობლები, მოსწავლეები

საერთო რაოდენობა -260

მოსწავლეები- 40 , მშობლები -20, მაღაროსკარის თემის სოფლების მოსახლეობა -200

გარემო პირობები, პანდემია,

მოსწავლეთა პასიურობა - რომელსაც დავძლევთ მათთან აქტიური კომუნიკაციით, პროექტში მათი ჩართულობით

პროექტი განხორციელების ვადების ამოწურვის შემდეგ, გაზეთის გამოცემა გაგრძელდება, რადგან გაზეთი  იქნება ერთადერთი საინფორმაციო საშუალება. მისი გამოშვება მნიშვნელოვანია, მოსახლეობისათვის და ასევე  თემის განვითარებისთვის, გააქტიურებისათვის. მოსახლეობის ხმა, პრობლემები და ასევე წარმატებები უფრო მეტად გავრცელდება. გაზეთი დაიბეჭდება თვეში ერთხელ.

პროექტის დასრულების შემდგომ გაგრძელდება სოციალურ ქსელში-ფეისბუქგვერზე  გაზეთის «ჩვენი ფშავი»-ს ყველა ნომრის ელექტრონული ვერსიის განთავსება.

ჩვენი საქმიანობა ცნობილი გახდება, რაც საშუალებას მოგვცემს მოვიძიოთ  დაფინანსება გაზეთის შემდეგი გამოცემისთვის, გაფართოებისათვის, საჭირო  მასალების, ტექნიკის  შესაძენად.

გაზეთის გამოცემა ხელს შეუწყობს სამოქალაქო საზოგადოების, ახალგაზრდების გააქტიურებას.