სუფთა სოფელი

პროექტის მიზანს წარმოადგენს ტყიბულის მუნიციპალიტეტის სოფ. ორპირის საჯარო სკოლაში ეკო კლუბის დაფუძნება, რომელიც ხელს შეუწყობს თემში გარემოს დაბინძურების საკითხებთან დაკავშირებით მოსწავლეთა ცნობიერების დონის ამაღლებას, მოსახლეობის ინფორმირებას ეკოლოგიური საფრთხეების შესახებ, თემის საჭიროებების შესწავლას და პრობლემების იდენტიფიცირებას და მათ მოგვარებას ადგილობრივი მმართველობის წარმომადგენლების მონაწილეობით.
პროექტის ფარგლებში დაგეგმილი ღონისძიებების განხორციელების შედეგად მოსწავლეები ჩაუღრმავდებიან ეკოლოგიური პრობლემების გამომწვევ მიზეზებს, რათა მიაგნონ ამ პრობლემების გადაჭრის გზებს. მოსწავლეები შეძლებენ, მოპოვებული ინფორმაციის საფუძველზე, გააცნობიერონ ეკოლოგიური პრობლემების მნიშვნელობა, მასშტაბურობა, შეძლებენ დასახონ ამ პრობლემების გადაჭრის გზები ადგილობრივი თვითმმართველობის ორგანოებთან და პარტნიორ ორგანიზაციებთან თანამშრომლობის საფუძველზე.