ციფრული მოქალაქეობა

სახელმწიფოს დემოკრატიული განვითარებისთვის მნიშვნელოვან როლს სწორედ აქტიურ მოქალაქეები თამაშობენ. სახელმწიფოს ეფექტიანობა და რესურსების სწორად განკარგვა, შესაძლებელია ანგარიშვალდებულების გაზრდით და მოქალაქეების გადაწყვეტილების მიღების პროცესებში ჩართულობის უზრუნველყოფით. 21-ე საუკუნეში ტექნოლოგიურმა პროგრესმა მნიშვნელოვნად შეცვალა სახელმწიფოსა და მოქალაქის ურთიეთობა, პროცესები გაცილებით გამჭვირვალე და დროში ეფექტური გახადა. მიუხედავად ამისა საკმაოდ დაბალია მოქალაქეებში ციფრული მოქალაქეობის შესახებ ცნობიერების დონე. სკოლაში ჩატარებული გამოკითხვაც ცხადყოფს, რომ აღნიშნული პრობლემა მნიშვნელოვან გამოწვევად რჩება.
"ციფრული მოქალაქეობა" პროექტის მიზანია ცნობიერების ამაღლება ციფრული მოქალაქის უნარების გამომუშავების მიმართულებით. აქტიური ციფრული მოქალაქეობის ხელშეწყობა და წახალისება. მოქალაქეების საზოგადოებრივ პრობლემებზე რეაგირებისა და ჩართულობის უზრუნველყოფა ბიუროკრატიული პროცესების გამარტივების გზით-ელექტრონული სერვისების გამოყენებით. პროექტის მიზანია ასევე ნაკლები დანახარჯებით (როგორიცაა ელექტრონული სერვისების გამოყენება) მაქსიმალური სარგებლიანობის მიღება.
პროექტის მიზანია პირველ ეტაპზე დაადგინოს ციფრული წიგნიერების მიმართულებით სასკოლო საზოგადოების (მოსწავლეები, მასწავლებლები, მშობლები) ცნობიერების ზოგადი დონე, ელექტრონული ანონიმური გამოკითხვის გამოყენებით. აღნიშნული კვლევა გამოიყენოს როგორც საწყისი წერტილი, კვლევის შედეგად მიღებული მონაცემების საფუძველზე დაგეგმოს მიზნის მისაღწევად შემდეგი აქტივობები. გამოკვეთოს ასაკობრივი კატეგორიების დამახასიათებელი თავისებურებები (მაგ. უფროს თაობას რამდენად აქვს ციფრული უნარები ახალგაზრდა თაობასთან შედარებით). იმსჯელოს ცნება ციფრული მოქალაქეობის მნიშვნელობასა და საჭიროებაზე-გამოკითხვის შედეგად მიღებული პასუხების ანალიზის საფუძველზე.
პროექტის მიზანია 4 თვის განმავლობაში სასკოლო საჭიროებების მიხედვით მინიმუმ 200 მშობლის, 100 მოსწავლის, 20 მასწავლებლის ცნობიერების დონის ამაღლება და ციფრული მოქალაქეობის უნარების განვითარების ხელშეწყობა. ( საბაზისო კვლევის შედეგების შედარება პროექტის განხორციელების შემდგომ მიღებულ მონაცემებთან).