ცოდნა-უსაფრთხოებისთვის

ეს პროექტი არსებული რეალობის გაუმჯობესებას, ინფორმაციის შეძენა-გაღრმავებას, სკოლასა და ჩვენს თემში უსაფრთხო გარემოს ჩამოყალიბებას ემსახურება. თანამედროვე სამყარო წარმოუდგენელი უნდა იყოს უსაფრთხოებისა და სიმშვიდის გარეშე. ეს დღეს იშვიათობაა, თუმცა უნდა ვეცადოთ, რომ სიხშირედ გადაიქცეს... სკოლა ის ადგილია, სადაც ასობით ადამიანი ყოველდღიურად იყრის თავს. აქ შეხვდებით ყველა ასაკობრივი ჯგუფის წარმომადგენელს: ბავშვებს, მოზარდებს, ზრდასრულებს... პროექტის ინსპირაცია ბოლო დროს ჩვენს ქვეყანაში განვითარებული სტიქიური პროცესები გახდა. გარდა ამისა, უცხოეთში, განსაკუთრებთ კი ევროპაში არსებული მაღალი ხარისხის სამედიცინო, სახანძრო და სხვა სახის უსაფრთოება გვაფიქრებინებს, რომ ეს თემა 21-ე საუკუნის ერთ-ერთი პრიორიტეტია.ჩვენს რეალობაში აქტუალურიც კი... შრომის საჯარო სკოლა, სადაც ყოველდღიურად 200-ზე მეტი ადამიანი იმყოფება იმსახურებს ქონდეს უსაფრთხოების შესაბამისი სტანდარტები. სკოლა აღჭურვილია უსაფრთხოების კამერებით, რომელთა მონიტორინგს მანდატურის სამსახურის წარმომადგენლები ახორციელებენ, თუმცა მოიკოჭლებს სახანძრო და სამედიცინო თვალსაზრისით. შრომის საჯარო სკოლა 3 სართულიანია, სკოლაში მოიძებნება არასაკმარისი რაოდენობის ცეცხლმაქრი. შენობაში მყოფ პირებს მწირი ინფორმაცია გვაქვს სკოლის ევაკუცაციის და საგანგებო მდგომარეობის შესახებ. ხშირად, სხვადასხვა ნივთებს თავად ბავშვები აზიანებენ, რისთვისაც აუცილებელია სანამ რამეს შევიძენთ ან დავდგამთ მათ ჩავუტაროთ ტრენინგი თუ რა დროს, რა დანიშნულებით გამოიყენება სკოლის ტერიტორიაზე განთავსებული ესა თუ ის განსაკუთრებული მნიშვნელობის მქონე ნივთი. იმ ცოდნას, რასაც ტრენერი მოგვცემს გავუზიარებთ თანასოფლელებს და მთელ სკოლას სხვადასხვა საშუალებებით, აქტივობებებით, შეხვედრებით, საინფორმაციო მასალებით და ა.შ