ხელი ხელს

1994 წელს სალამანკას დეკლარაცაიმ და 2006 წელს გაეროს შეზღუდული შესაძლებლობის მქონე პირთა კონვენციამ განაპირობა საქართველოში ინკლუზიური განათლების პროცესის დაწყება. ინკლუზიური განათლება ერთერთ პრიორიტეტულ მიმართულებად იქცა. ნაბიჯ–ნაბიჯ იცვლება არა მარტო მიდგომები, არამედ საზოგადოების დამოკიდებულებაც შეზღუდული შესაძლებლობის მქონე პირების მიმართ. ყველა ბავშვს აქვს განათლების მიღების უფლება. ეს გაწერილია, როგორც საქართველოს კონსტიტუციაში, ასევე ბავშვთა უფლებების დეკლარაციაში.
თანამედროვე სასკოლო საზოგადოება ნელ-ნელა ფეხს უწყობს ინკლუზიური განათლების გამოწვევებს. თუმცა, რჩება გარკვეული პრობლემები, რომელთა მოგვარებაც სამთავრობო სტრუქტურებთან ერთდ, სამოქალაქო ორგანიზაციებსაც აკისრიათ. ჩვენი პროექტის მიზანიც სწორედ, ამ პრობლემების მოგვარებაში ხელშეწყობა.
ჩვენი პროექტი წარმოადგენს ერთობლივ ნამუშევარს ასოციაცია „ანიკასთან“ ერთად და გვსურს წვლილი შევიტანოთ სპეციალური საგანმანათლებლო საჭიროების მქონე მოსწავლეების საზოგადოებაში ინტეგრაციაში.
ჩვენი პროექტის მთავარი მიზანია სასკოლო საზოგადოების მაქსიმალური ჩათულობა სსსმ მოსწავლეების ინტეგრაციასა და სოციალიზაციაში. ეს საზოგადოებისათვის და სსსმ მოსწავლეებისათვის სასიცოცხლოდ მნიშვნელოვანია.
პროექტის ფარგლებში ჩვენი კლუბის მიზანია აღვიჭურვოთ სსსმ მოსწავლეების განვითარებისთვის საჭირო რესურსებით, რაც გაგვიადვილებს სხვადასხვა მიზნობრივი აქტივობებში სრულფასოვნად ჩართვას.