სურსათის უვნებლობაზე ზრუნვა ჩვენი პასუხისმგებლობაა!

ნიკოლოზ წიკლაური-მოსწავლე, ლიზი საჯაია-მოსწავლე, ანასტასია დოხნაძე-მოსწავლე, სოფია წულაძე-მოსწავლე, ანასტასია ქაჩიბაია-მოსწავლე.

პროექტის მიზანია:სურსათის უვნებლობის შესახებ ცნობიერების ამაღლება საზოგადოებაში. ჩვენი პროექტი გაამახვილებს ყურადღებას და წამოწევს ისეთ პრობლემურ საკითხებს, როგორიცაა სწრაფი კვების მავნებლობის  შესახებ საზოგადოებაში ცნობიერების ამაღლება.ფარული შიმშილის შესახებ საზოგადოების ინფორმირება (არასამთავრობო ორგანიზაცია ელკანა გაგვიწევს კონსულტირებას ამ თემასთან დაკავშირებით ლალი გოგინავა და ვახტანგ ღლონტი). სასურსათო ჯაჭვის მიმართ არსებული ეროვნული და საერთაშორისო მარეგულირებელი მოთხოვნებისა და რეკომენდაციების გაცნობა საზოგადოებისათვის (ISO Conculting-ის ექსპერტების ჩართულობით  კლუბის ბავშვები შეხვდებიან სხვადასხვა სკოლის მოსწავლეებს.)მსოფლიო ჯანდაცვის ორგანიზაციის მიერ მოწოდებული უვნებლობის ხუთი გასაღების პრინციპის განხილვა საზოგადოებასთან . სურსათის დამაბინძურებელი რისკ-ფაქტორების გაცნობა და გაანალიზება. მომხმარებელთა უფლებების გაცნობა და პოპულარიზება, ყალბი ეტიკეტირების ამოცნობა ( ელკანა) . სანიტარულ-ჰიგიენური სტანდარტების გაცნობა დაინტერესებული პირებისთვის.

ჩვენი პროექტის მოსალოდნელი შედეგია საზოგადოებაში სურსათის უვნებლობის შესახებ ცნობიერების  ამაღლება, შესაბამისად პოტენციური მომხმარებელი  ნაკლებად დადგება ჯანმრთელობის დაზიანების რისკის ქვეშ.

მომხმარებელი ადვილად ამოიცნობს კუსტარულად დამზადებულ კონსერვებსა და ნახევარ-ფაბრიკატებს და თავიდან აიცილებს მათ მავნე მოქმედებას ორგანიზმისთვის. მომხმარებელი სწრაფი კვების ობიექტებში ადვილად ამოიცნობს სანიტარულ-ჰიგიენური წესების დარღვევას და მიხვდება ჯანმრთელობისთვის უსაფრთხო არის თუ არა სწრაფი კვების ობიექტის პროდუქცია.  მომხმარებელი შეძლებს სწორად შეარჩიოს დღის ულუფაში არის თუ არა დაბალანსებული მისაღები ნივთიერებები. პოტენციური  მომხმარებელი შეძლებს მარტივად დაადგინოს ადგილობრივი პროდუქციის წარმოება შეესაბამება თუ არა საერთაშორისო სტანდარტებს. უმარტივესი ექსპერიმენტებით მომხმარებელი შეძლებს ამოიცნოს პროდუქციის ვარგისიანობა და ტესტერების საშუალებით შეძლებს გაზომოს მავნე ნივთიერებების შემცველობა პროდუქტში.

სურსათის უვნებლობის შესახებ ინფორმაციის ნაკლებობამ შესაძლოა გამოიწვიოს ჯანმრთელობის რისკი, როგორიცაა საკვებით ინტოქსიკაცია ალერგიული რეაქციები და ა.შ.  ჩვენს ქვეყანაში მოსახლეობა არ ფლობს საკმარის ინფორმაციას სურსათის უვნებლობის შესახებ მაგ: რა არის სურსათის უვნებლობა, რას მოიცავს ის, როგორია მომხმარებელთა უფლებები და დადგენილებები, როგორია საერთაშორისო სტანდარტები, რა არის დაბალანსებული კვება, რა არის ფარული შიმშილი, როგორ დავიცვათ თავი მისგან და ა.შ. მნიშვნელოვანია მოსახლეობაში ეტიკეტირების შესახებ ინფორმაციის გავრცელება რათა თავი დაიცვან მაგალითად  ფალსიფიცირებული ეტიკეტირებისაგან.

1)სასკოლო საზოგადოებაში რაოდენობრივი  კვლევის ჩატარება სურსათის უვნებლობასთან დაკავშირებით.  2) საინფორმაციო შეხვედრები სწრაფ კვებაზე, ფარულ შიმშილზე და სურსათის უვნებლობაზე  სტრატეგიული განვითარებისა და კვლევების ცენტრის წარმომადგენლებთან, ასევე "ელკანას" წარმომადგენლებთან 3) სხვადასხვა სასურსათო-სამეწარმეო ობიექტებზე მისვლა დათვალიერება და  მათი ტექნოლოგიების გაცნობა  4) საინფორმაციო სახის  შეხვედრების დაგეგმვა სხვადასხვა სკოლებში, პრეზენტაციების გაკეთება და ბროშურების გავრცელება( მინიმუმ 5 სკოლა). 5) არასამთავრობო ორგანიზაცია სტრატეგიული განვითარებისა და კვლევების ცენტრთან თანამშრომლობა, მათთან ვიზიტის დაგეგმვა და მათი სკოლაში მოწვევა. 6) ISO Consulting-თან თანამშრომლობა და ტრენინგების დაგეგმვა.  7) სიუჟეტის გადაღება სხვადასხვა ლოკაციაზე. რესტორან "შარბათ"-ში, meat&more-ში და ასევე ხორცის და რძის პროდუქტების საწარმოებში სტუმრობა. 8) "YourLand"- ში სტუმრობა და ორგანული პროდუქციის წარმოების შესახებ სიუჟეტის მომზადება.  9)სიუჟეტის გავრცელება სოც. ქსელების საშუალებით და საინფორმაციო ბროშურების გავრცელება. 10) პროექტის დასასრულს გამოვაცხადებთ კონკურსს, სურსათის უვნებლობასთან დაკავშირებით, შესაძლოა მივცეთ ესსეს ან პოსტერების სახე და გამარჯვებული მიიღებს ფულად პრიზს,

პირველი ადგილი- 150ლ, მეორე ადგილი-100ლ, მესამე ადგილი-50ლ.

იმისათვის რომ ჩვენი პროექტი განხორციელდეს, გვესაჭიროება სიუჟეტის გადაღებისთვის ვიდეოგრაფი, უსადენო დასამაგრებელი მიკროფონები, პრინტირებული მაისურები, საინფრომაციო ბროშურების დაბეჭდვა გასავრცელებლად, სხვადასხვა ლოკაციებზე სტუმრობა, რაც მოიცავს ტრანსპორტირების დაფინანსებას.

ISO Consulting- კონსულტაციები და ტრენინგები.

"ელკანა"- არასამთავრობო ორგანიზაცია, ძირითადი პარტნიორი.

"სტრატეგიული კვლევებისა და განვითარების ცენტრი"- კონსულტაციები, ტრენინგები, მათთან ოფისში ვიზიტი და მათი სკოლაში მოწვევა.

"YourLand"- მათთან ვიზიტი და ორგანული პროდუქციის შესახებ ინფორმაციის მიღება.

FAO georgia (შესაძლო პარტნიორი).

რესტორანი "შარბათი"- მათთან ვიზიტი და სანიტარულ-ჰიგიენური სტანდარტების შესახებ საუბარი, ასევე სიუჟეტის გადაღება მათ ტერიტორიაზე.

meat&more- მათთან ვიზიტი.

პირველ რიგში, ადამიანები რომლებიც ცხოვრების რიტმიდან გამომდინარე ხშირად არიან სწრაფი კვების მომხმარებლები, ასევე პოტენციური მომხმარებლები მაგალითად სასკოლო და ფართო საზოგადოება.

პედაგოგები-150

მოსწავლეები-700-800

მშობლები-500

1) ქვეყანაში განვითარებული პოლიტიკური მოვლენები.

2)რომელიმე პარტნიორი ორგანიზაციის უარი.

3)გუნდის წევრების ჯანმრთელობის მდგომარეობის გაუარესება.

4)გაუთვალისწინებელი სიტუაციები.

პროექტის დაგეგმვისას, ჯგუფის წევრებს შორის წამოვიდა იდეა, რომ სკოლის ბუფეტში შემოვიტანოთ ორგანული პროდუქცია (აქვე მოგახსენებთ, რომ ბუფეტში იყიდება ძირითადად ცომეული)