ჩვენი უფლებები

პროექტის მიზანია შეიქმნას სკოლაში კლუბი, სადაც მოსწავლეებს შესაძლებლობა ექნებათ შეიკრიბონ და ისაუბრონ მათთვის საინტერესო საკითხებზე, თავიანთ უფლებებზე და პრობლემებზე. მოიწვიონ ადგილობრივი თვითმმართველობის და სამხარეო ადმინისტრაციის ხელმძღვანელები, შეხვდნენ საინტერესო და წარმატებულ პიროვნებებს. შეეძლოთ მათ წინაშე თავისუფალი აზრის გამოხატვა. კლუბში მათ საშუალება მიეცემათ ჩამოუყალიბდეთ გუნდური მუშაობის უნარი, სწრაფი და ლოგიკური აზროვნება. პროექტის განხორციელების შემთხვევაში მოხდება სკოლის სხვა მოსწავლეების ჩართვა კლუბის ღონისძიებებსა და საქმიანობაში. აქ ისინი გაეცნობიან მოსწავლეთა უფლებებს და მოქალაქეობრივ ვალდებულებებს, რომლებიც მათ აკისრიათ. კლუბში ჩატარდება ტრენინგები, შეხვედრები და სხვადასხვა სახის აქტივობები. დაიდგმება კომპიუტერი ინტერნეტის ქსელით, რომლის საშუალებითაც შესაძლებელი იქნება მუდმივი კავშირი პარტნიორ არასამთავრობო ორგანიზაციასთან, ანალოგიურ კლუბებთან მთელი საქართველოს მასშტაბით, მოსწავლეებს შესაძლებლობა მიეცემათ გაიცნონ და დაუახლოვდნენ მათ თანატოლებს სხვადასხვა რეგიონებში. აქვე განთავსდება მცირე ბიბლიოთეკა, რომელიც დაკომპლექტებული იქნება იურიდიული და სამოქალაქო სწავლების ლიტერატურით.