დახარისხებული ნარჩენები - მწვანე მომავალი

პროექტის მიზანია ქალაქ მარნეულის მე-2 საჯარო სკოლის საბაზო და საშუალო საფეხურის მოსწავლეებში და მათ მშობლებში აამაღლოს ცნობიერება კლიმატის ცვლილების, მისი გამომწვევი მიზეზებისა და უარყოფითი შედეგების შესახებ, ხელი შეუწყოს მათში ეკომეგობრული დამოკიდებულებების ჩამოყალიბებასა და პოპულარიზება გაუწიოს ენერგიის ალტერნატიულ წყაროების გამოყენებას.

პროექტის განხორციელებაში მონაწილეობას მიიღებენ ქალაქ მარნეულის N2 საჯარო სკოლის სამოქალაქო და ეკო კლუბის წევრები, მოსწავლეთა თვითმმართველობის წარმომადგენლები, შერჩეული მოსწავლეები დაწყებითი და საბაზო საფეხურიდან, მასწავლებლები და მშობლები.

სამიზნე ჯგუფის წევრები მიიღებენ ინფორმაციას კლიმატის ცვლილებაზე, მის გამომწვევ მიზეზებზე, უარყოფით შედეგებზე, ნარჩენების სეპარირებაზე და ენერგიის ალტერნატიულ წყაროებზე.

მიღებული ინფორმაციის საფუძველზე დაიწყება ნარჩენების სეპარირება. მშობლები სახლის პირობებში, მეორადი ნივთებისგან შექმნიან ახალ ნივთებს, მსგავსი პრინციპით იმუშავებენ მოსწავლეები. მოეწყობა მეორეული ნივთების გამოფენა გაყიდვა.

პროექტში ჩართული პირები მიიღებენ ინფორმაციას ენერგიის ალტერნატიულ წყაროებზე. სკოლაში, შერჩეულ ლოკაციაზე დამონტაჟდება მზის პანელი. მშობლებისთვის მზის ენერგიისგან განათებულ სივრცეში მოეწყობა ვიზიტი.