ძალა ერთობაშია

პროექტის მიზანს წარმოადგენს მოზარდების ინფორმირებულობის გაზრდა თავიანთ უფლებებზე და მოვალეობებზე, თვითმმართველობისა და მოხალისე მოზარდების ჩართულობა, პრაქტიკული უნარჩვევების განვითარება. სასკოლო სამოქალაქო კლუბის შექმნა, სადაც მოსწავლეები შეიკრიბებიან და ისაუბრებენ მათთვის საჭირო და საინტერესო თემებზე. თვითმმართველობის ორგანოები განახორციელებენ ღონისძიებებს გარემოს დაცვის, ტოლერანტობის და საქველმოქმედო მიმართულებებით. დაგეგმილი და განხორციელებული აქტივობების შედეგად მოსწავლეებს გამოუმუშავდებათ სწრაფი და ლოგიკური აზროვნების უნარი. კლუბში გაეცნობიან მოსწავლეთა თვითმმართველობის დებულებას, უფლებებსა და მოქალაქეობრივ ვალდებულებებს.პროექტის დასრულების შემდეგ შეიქმნება სკოლის თვითმმართველობის ჟურნალი, სადაც ასახული იქნება მათ მიერ ჩატარებული ღონისძიებები. ასევე შეირჩევა აქტიურ მოსწავლეთა ჯგუფი, რომლებიც გაიგზავნება საზაფხულო ბანაკში.