კრეატივი სკოლის თვითმმართველობაში

პროექტის: "კრეატივი სკოლის თვითმმართველობაში" მიზანია სასკოლო ცხოვრებაში ახლად არჩეული საბაზო და საშუალო საფეხურის მოსწავლეთა თვითმმართველობის აქტიურობის ხარისხის გაზრდა, მათში კრეატიულობის წახალისება და განსახორციელებელი აქტივობებისათვის საჭირო ინფრასტრუქტურის გაუმჯობესება.
პროექტის ფარგლებში სკოლის ახლად არჩეულ თვითმმართველობის 13 მოსწავლეს თავდაპირველად ჩაუტარდებათ ტრენინგები თემაზე: "პროექტის შემუშავება და მისი განხორციელებს გზები" და "ლიდერის უნარ-ჩვევები" ტრენინგების ჩატარების შემდგომ თვითმმართველობის წევრები მათდამი დაქვემდებარებულ კლუბებში: ჟურნალისტთა კლუბი, სამოქალაქო ინტეგრაციის კლუბი, თეატრალური კლუბი,ინტელექტუალთა კლუბი - განახორციელებენ თითო-თითო პროექტს, რომელიც ხელსშეუწყობს არა მარტო თვითმმართველობაში ჩართული მოსწავლეების გააქტიურებას,არამედ სკოლის სხვა მოსწავლეთა აქტიურ ჩართვას სასკოლო ცხოვრებაში, წაახალისებს მათ შემოქმედებით უნარ-ჩვევებს.
პროექტის დასასრულს თვითმმართველობის წევრები გამოუშვებენ მოსწავლეთა თვითმმართველობის ყოველთვიურ საინფორმაციო ჟურნალს, სადაც გააშუქებენ თვითმმართველობის მიერ ჩატარებულ აქტივობებს, მოსწავლეთათვის საინტერესო თემებს. აღნიშნული ჟურნალი გააშუქებს ასევე სასკოლო ცხოვრებას და იგი ხელმისაწვდომი იქნება ყველა დაინტერესებული მოსწავლისათვის და მშობლისათვის, იგი პოპულარიზაციას გაუწევს როგორც მოსწავლეთა თვითმმართველობას, ასევე სასკოლო საკლუბო მუშაობასაც.
აღნიშნული პროექტის განხორციელება მოსწავლეებს სამომავლოდ მისცემს მეტ სტიმულს სასწავლო წლის განმავლობაში, სკოლაში და სკოლის გარეთ, განახორციელონ სხვადასხვა პროექტები, რომელიც ხელს შეუწყობს სამოქალაქო ცნობიერებისა და პასუხისმგებლობის განვითარებას, შექმნის მოტივაციას სხვა მოსწავლეთათვის - აქტიურად ჩაერთვნენ, აირჩიონ და არჩეულ იქნენ მოსწავლეთა თვითმმართველობაში.
მოტივაციის ამაღლებისა და წახალისების მიზნით, იგეგმება თვითმმართველობისათვის სტაბილური ოთახის გამოყოფა და მისი აღჭურვა შესაბამისი ინვენტარით.(იხ. ბიუჯეტი)