მოსწავლეთა თვითმმართველობა – ლიდერობის სკოლა

სამიზნე ჯგუფი:
დედოფლისწყაროს მუნიციპალიტეტის სკოლების საბაზო–საშუალო საფეხურის (VII – XII კლასების) მოსწავლეები
მიზანი:
• დედოფლისწყაროს მუნიციპალიტეტის სკოლების სამოქალაქო საზოგადოების აქტიობის ამაღლებაში ხელშეწყობა, მოქალაქეობრივი აზროვნების ჩამოყალიბება;
• სკოლებში საჯარო დისკუსიების, ტრენინგების სივრცის შექმნა;
• კვლევისა და ანალიტიკის სფეროებში განვითარებაში ხელშეწყობა;
• სამიზნე სკოლების თვითმმართველობების შესაძლებლობების გაზრდა;
• რაიონის სასკოლო სამოქალაქო საზოგადოებრივ ორგანიზაციებს (თვითმმართველობებს) შორის მჭიდრო კავშირის უზრუნველყოფისათვის „მოსწავლეთა თვითმმართველობების ალიანსის“ შექმნა;
• სამიზნე სკოლების მოსწავლეთა თვითმმართველობების ეფექტური ფუნქციონირება, მათი როლის გაცნობიერება სკოლის თვითმმართველობის ფუნქციებში;
• თვითმმართველობების ორგანიზაციულად ჩამოყალიბების ხელშეწყობა;
• სასკოლო პროცესებში მოსწავლეთა თვითმმართველობების ჩართვის უზრუნველყოფა.
შედეგები :
ჩატარებული აქტივობების შედეგად რაიონის 14 სკოლის საბაზო–საშუალო საფეხურის (VII – XII კლასების) მოსწავლეები:
• გაიცნობენ და დაუმეგობრდებიან ერთმანეთს,
• აიმაღლებენ სამოქალაქო ცნობიერებას, შეიძენენ თეორიულ და პრაქტიკულ ცოდნას არჩევნების და ლიდერობა–გუნდურობის კუთხით.
• აირჩევენ თვითმმართველობებს
• შეიმუშავებენ სამოქმედო გეგმას.
• შეგნებულად გაიაზრებენ მოსწავლეთა როლს როგორც სკოლაში, ისე თემში, ჩაერთვებიან სასკოლო და სათემო აქტივობებში, გაიაზრებენ სამოქალაქო აქტივობისა და კანონმორჩილების მნიშვნელობას.
დასახული შედეგების მისაღწევად პროექტში ჩაერთვებიან არა მხოლოდ მაღალი სასწავლო შედეგებით გამორჩეული, არამედ ყველა კატეგორიის მოსწავლეები (მ.შ. „რისკის ჯგუფის“, უნარშეზღუდული, სოციალური პრობლემების მქონე და ა.შ); არცერთი დასახული შედეგი არ არის ორიენტირებული განსაკუთრებული ნიჭის მქონე ადამიანებზე, ყველა ღონისძიებაში წარმატება მიღწევადია ყველა კატეგორიის მოსწავლისთვის;
პროექტში აქტიური მონაწილეობა წინაპირობაა ცხოვრების შემდგომი ეტაპის შედეგიანად და მიზანდასახულად წარმართვისთვის, ინტერესთა სფეროს გაფართოვებისა და ახალი ინიციატივების უკვე დამოუკიდებლად განხორციელებისთვის, მოსწავლეობის ასაკშივე ნაწილობრივი თვითრეალიზაციისთვის, საზოგადოებრივ ცხოვრებაში საკუთარი მოქალაქეობრივი როლის გააზრება–ჩამოყალიბებისთვის.