პროფესიული ორიენტაციის ხელშეწყობა სასკოლო საზოგადოებაში

პროექტის მიზანია პროფესილი ორიენტაციის ხელშეწყობა მოსწავლეებში, მშობლებსა და თემის წევრებში.
პროფესიული ორიენტაციის მიზანია მოამზადოს მოზარდი მომავალი ცხოვრებისათვის, რათა მან შეძლოს დამოუკიდებლად თავის რჩენა, შეძენილი პროფესიით საკუთარი ფინანსების მობილიზება და უკეთესი მომავლის შექმნა.პროფორიენტაცია მოზარდს ეხმარება გამოავლინოს საკუთარი უნარ-ჩვევები, შესაძლებლობები და სასარგებლო იყოს არა მარტო თავისი თავის, არამედ საზოგადოებისთვისაც.მოსწავლეებსა და მათ მშობლების პროფორიენტაციისადმი სტერეოტიპული დამოკიდებულების გამო დაბალია პროფესიულ სასწავლებლებში მოსწავლეთა რიცხვი. პროექტის ფარგლებში დაგეგმილი ღონისძიებებით სასკოლო საზოგადოების წევრებსა და ბოლნისის სათემოებს მიეწოდებათ ინფორმაცია ქვემო ქართლში არსებული პროფესიული სასწავლებლებისა და იმ პროფესიების შესახებ, რომელთა დაუფლებაც საშუალებას მისცემს მათ დასაქმდნენ მოკლე დროში.