რესურს ოთახი ინკლუზიური სწავლების სამსახურში

საზოგადოების დამოკიდებულება თემა- შეზღუდული შესაძლებლობის მქონე პირებისადმი ყოველთვის აქტუალურია. საქართველოს ზოგადი განათლების კანონის თანახმად, ყველა მოსწავლეს,აქვს უფლება სრულიად განავითაროს თავისი პიროვნება შესაძლებლობის ფარგლებში. შეზღუდული შესაძლებლობის მქონე მოსწავლეებს საჯარო სკოლაში ესაჭიროებათ ადაპტირებული გარემო,რათა ხელი შეეწყოს მათი უნარის განვითარებას. თანამედროვე მსოფლიოს პროგრესული ქვეყნები ინკლუზიურ განათლებას უზარმაზარ ყურადღებას უთმობს. სასიამოვნოა ის ფაქტი, რომ საქართველო ამ პროგრესის თანამონაწილეა. ინკლუზიური სწავლება არის ყველაზე ეფექტური საშუალება სპეციალური საჭიროების მქონე ბავშვებსა და მათ თანატოლებს შორის ერთსულოვნებისა და სოლიდარობის შესაქმნელად.
სპეციალური საჭიროების მქონე ბავშვებს უმძაფრდებათ განცდა იმისა, რომ არ არიან სრულფასოვანნი და საზოგადაოებისაგან იზოლირებულად გრძნობენ თავს. ამისათვის საჭიროა, ვაგძნობინოთ მათ, რომ ისინი არაფრით განსხვავდებიან მათგან და მათაც შეუძლიათ სასარგებლო საქმის კეთება. პროექტის მიზანია, სპეციალური საჭიროების მქონე მოსწავლეების სოციალური ინტეგრაცია, კომუნიკაციის უნარის შეძენა და საზოგადოებაში მაქსიმალურად ჩართვა.