„შევუნარჩუნოთ სკოლას მწვანე ფერი“

პროექტის მიზანია: სსიპ ჩხოროწყუს მუნიციპალიტეტის ლესიჭინეს N 1 საჯარო სკოლის ეზოში სკვერის მოწყობა, გამწვანება, განაშენიანება მარადმწვანე მცენარეებით, საყვავილე გაზონებით, დასასვენებელი სკამებით, რომელიც მდებარეობს ძირითად კორპუსსა და მინაშენი კორპუსის შიდა ტერიტორიაზე. შეგიძლიათ ნახოთ სკვერის პროექტი მოცემულ ბმულზე. რომელიც სკოლის მოსწავლეებმა დაამზადეს სპეციალისტების კონსულტაციების გათვალისწინებით https://www.youtube.com/watch?v=xv1kkR61M0Q

მოსალოდნელი შედეგი: მოსწავლეები მიეჩვევიან ბუნებრივი გარემო პირობების შექმნას, შენარჩუნებას და დაცვას. ამაღლდება მოსწავლეთა კულტურის დონე, გაუმჯობესდება მათი ჯანმრთელობა, ვინაიდან მარადმწვანე მცენარეები გამოყოფენ დიდი რაოდენობით ჟანგბადს, აქვე შეძლებენ მოსწავლეები საახალწლო ნაძვისხის მორთვას, გაზაფხულზე და შემოდგომაზე სხვადასხვა ღონისძიებების მოწყობას, ვინაიდან ბუნების წიაღში გამართული სანახაობა უფრო დასამახსოვრებელი და საინტერესოა.