სპეციალური საგანმანათლებლო საჭიროების მქონე მოსწავლეთა რესურს ოთახის მოწყობა

პროექტი ეხება ქ. ახალციხის №1 საჯარო სკოლაში სპეციალური საგანმანათლებლო საჭიროების მქონე მოსწავლეთათვის რესურს ოთახის მოწყობას სკოლის დირექციასთან და ადგილობრივ თვითმმართველობასთან ერთად ამ ოთახში შეხვედრებისა და ტრენინგების ჩატარებას. პროექტის წარმატებით განხორციელების შემთხვევაში ქ. ახალციხის №1 საჯარო სკოლის 20-მდე სსსმ მოსწავლე და ახლომდებარე სკოლა-პანსიონის 30-მდე მოსწავლე ისარგრბლებენ რესურს ოთახის თვალსაჩინოებებით, ავეჯით, განმავითარებელი სათამაშოებით და ლეპტოპით, რომელსაც ჩვენ მოსწავლეთა ჯგუფი შევიძენთ პროექტის ფარგლებში, სკოლა უზრუნველყოფს ოთახის რემონტსა და ავეჯს, ხოლო ადგილობრივი თვითმმართველობა-თვალსაჩინოებისა და საკანცელარიო ნივთების შეძენას. ყველა ეს სამუშაო შესრულდება მაქსიმუმ 3 თვის განმავლობაში და პროექტის ბოლოს ჩვენ დავეხმარებით სსსმ მოსწავლეებს მათი უფლების განხორციელებაში, რომ მიიღონ სრულფასოვანი განათლება მათი შესაძლებლობების გათვალისწინებით, ჩვეულებრივ საჯარო სკოლაში.