თიანეთის რაიონის გარემოსა და კულტურულ მემკვიდრეობაზე ზრუნვა

ჩვენი პროექტი ორ მიზანს ისახავს: ერთი _ ჩვენი ისტორიული ძეგლების და მიმდებარე ტერიტორიების გაწმენდა-გასუფთავება მცენარეული ნარჩენებისაგან და სხვა ნაგავისაგან. მათ ამჟამინდელ მდგომარეობაზე ფოტო, ვიდეო და სიტყვიერი აღწერილობითი მასალის შექმნა და საზოგადოებისა და შესაბამისი ადგილობრივი და ძეგლთადაცვითი ორგანოებისათვის წარდგენა, რომ გავააქტიუროთ ეს საკითხი და ჩვენი წვლილი შევიტანოთ მისი მოგვარების საქმეში.
მეორე მიზანი არის ჩვენი მწვანე საფარის რეაბილიტაციის საქმეში გარკვეული წვლილის შეტანა _ წინასწარ შერჩეულ ტერიტორიაზე ნარგავების დარგვა და მათზე პატრონობა. მერქნიანი მცენარეების შემდგომი გადარჩენის მიზნით ,,მწვანე ყუთის” ორგანიზება მაკულატურის შესაგროვებლად. ამ პროცესში ადგილობრივ ხელისუფლებასთან თანამშრომლობა.
ამ ორი, თითქოსდა, განსხვავებული მიზნის რეალიზება მოგვცემს ერთ საერთო შედეგს _ ჩვენ ვიზრუნებთ ჩვენს გარემოზე, რომლის შემადგენელ ნაწილსაც წარმოადგენს ჩვენი ისტორიული მემკვიდრეობაცა და ჩვენი ფლორაც, თემის სატკივარის გააქტიურებით საზოგადოების ყურადღებას მივაპყრობთ ამ საზრუნავზე. ამ მიზნით გამოვიყენებთ სოციალურ ქსელებსაც. გავზრდით ჩვენი საინიციატივო ჯგუფის ცნობადობას, აქტიურობას, რადგან ეს პროცესი აქტიური მოქალაქისათვის საჭირო ბევრ უნარ-ჩვევას შეგვძენს.