"ვაზროვნებ, მაშასადამე ვარსებობ"

მედია ტექნოლოგიებისა და ინტერნეტის განვითარების ფონზე, როდესაც ყოველდღიურად უამრავ ინფორმაციაზე გვაქვს წვდომა, უფრო რთული ხდება საჭირო და სანდო ინფორმაციის ამორჩევა სწორი გადაწყვეტილებებისთვის. მნიშვნელოვანი უნარია საჭირო და გადამოწმებული ინფორმაციის ამორჩევა, მისი კრიტიკული გაანალიზება და საჭიროებისამებრ გამოყენება. სოციალური მედიის განვითარებასთან ერთად, მედიის მოხმარების მხოლოდ პასიური როლი როდია მნიშვნელოვანი - დღეს უკვე ყველას შეგვიძლია ინფორმაციის გავრცელება, მაგრამ აუცილებელია, გვქონდეს შესაბამისი უნარებიც. ამ საჭიროებებიდან გამომდინარე პროექტის მიზანია სასკოლო საზოგადოებაში მედიაწიგნიერებისა და კრიტიკული აზროვნების უნარის განვითარება; პროექტი მიზნად ისახავს კრიტიკულად მოაზროვნე მოქალაქეების აღზრდას, რომლებიც შეძლებენ დეზინფორმაციის და შეცდომაში შემყვანი ინფორმაციის ამოცნობას, მედიაწიგნიერი და ციფრული კომპეტენციების განვითარებას.