„ვითანამშრომლოთ მომავლისთვის“

მუკუზნის საჯარო სკოლის და თავად თემის პრობლემები ადასტურებს საზოგადოების აქტიური მოქმედების აუცილებლობას. ადგილობრივი თვითმმართველობა უძლურია პრობლემების წინაშე, თუ არ იქნება საზოგადოების მაღალი ჩართულობა. ჩვენი მიზანია ამ კუთხით ავამაღლოთ თემში საზოგადოებრივი ცნობიერების დონე. სკოლა და სკოლის სოციუმი ეს ის ძალაა, რომელმაც უნდა შეძლოს ისეთი სამოქალაქო საზოგადოების ჩამოყალიბება,როგორსაც იმსახურებს დემოკრატიული ქვეყანა. მუკუზნის სამოქალაქო კლუბის წევრები ვაცნობიერებთ რა მთელ რიგ პასუხისმგებლობებს მუკუზნის თემის წინაშე,მიზნად ვისახავთ ვითანამშრომლოთ არასამთავრობო სექტორთან,მასმედიასთან,სოფლის თვითმმართველობასთან და ერთად დავსახოთ პრობლემის გადაჭრის გზები.ამისათვის გადავწყვიტეთ უპირველეს ყოვლისა სამუშაო გარემო პირობების შექმნა,რომელიც ითვალისწინებს სამოქალაქო განათლების კლუბისთვის კაბინეტის მოწყობას.რაც თავისთავად აამაღლებს მოსწავლეთა მოტივაციას გამოიჩინონ მეტი ინიციატივა და აკეთონ ბევრი სასარგებლო საქმე,როგორც სკოლისთვის ასევე სოფლისთვის.