გაიცანით რუსთავი

1. ანანო ინაშვილი, XI კლასის მოსწავლე: ხელმძღვანელობს პროექტის განხორციელებას, ორგანიზებას უწევს პროექტზე  მუშაობას, ამასთან ის პასუხისმგებელია პროექტით გათვალისწინებული პროდუქციის დიზაინის შექმნასა და კონტენტის შემუშავებაზე, დასკვნითი პრეზენტაციისა და ვიდეორგოლის მომზადებაზე.

2. ანანო ჩალაძე, XI კლასის მოსწავლე: პასუხისმგებელია პროექტის პროდუქტების კონტენტის შექმნაზე, უზრუნველყოფს ამ პროდუქციის დაკაბადონებას, დასკვნითი პრეზენტაციისა და ვიდეორგოლის მომზადებაზე.

პროექტის მიზანია ქ. რუსთავის სტუმრებს, აგრეთვე რუსთავის მკვიდრთაც, გაუადვილოს ქალაქის ისტორიის, კულტურული თუ სხვა ღირსშესანიშნაობების მონახულება და შემეცნება. თანამედროვე რუსთავი, მართალია, ახალგაზრდა ქალაქია, მაგრამ მას დიდი და საინტერესო წარსული აქვს. ქალაქში ძალიან ბევრია ისეთი ადგილი, რომელიც არა მარტო ჩამოსულთათვის იქნება საინტერესო, არამედ თავად რუსთაველებისათვისაც, ვინაიდან ბევრი ფაქტი მათთვის შესაძლოა არ იყოს მათთვის ცნობილი.

ასევე, ვფიქრობთ, ჩვენი ქალაქის სტუმრებისათვის სასიამოვნო იქნება გაეცნონ ქართული სამზარეულოს ნიმუშებს, თავად მიიღონ მონაწილეობა ქართული კერძების შექმნაში.

პროექტის განხორციელების შედეგად შეიქმნება რუსთავის ღირსშესანიშნაობათა რუკა (გზამკვლევი), ასევე ფლაერები და ბუკლეტები, რომლებიც უზრუნველყოფენ, რომ სტუმარი თუ ადგილობრივი მკვიდრი სწორ ადგილას მოხვდეს, მიიღოს ამომწურავი ინფორმაცია სხვადასხვა ფაქტზე, რომლებიც რუსთავის როგორც შორეულ წარსულს, ისე თანამედროვეობასაც შეეხება.

პროექტის დასრულების შემდეგ მოეწყობა პრეზენტაცია, ასევე ვიდეორგოლის ჩვენება, რომელსაც პროექტის მიმდინარეობისას გადავიღებთ.

საბოლოოდ, პროექტი უზრუნველყოფს რუსთავის შესახებ კომპლექსური ტურისტული გზამკვლევის შექმნას.

პროექტის სხვადასხვა ფაზაზე მონაწილეებს მოუწევთ შეხვედრა დარგის პროფესიონალებთან, რუსთავის უხუცეს მკვიდრებთან, ისტორიკოსებთან და სხვა პროფესიის ადამიანებთან. შეხვედრები აღიბეჭდება ფირზე, რომელსაც შემდგომ ვიდეორგოლისათვის გამოიყენებენ.

პროექტის მონაწილეებს მოუწევთ მუშაობა მუზეუმსა და არქივში პროექტის ბეჭვდითი პროდუქციის კონტენტის შესაქმნელად.

ვინაიდან პროექტს ახორციელებს XI კლასის ორი მოსწავლე, სამუშაოს ისინი შეასრულებენ ურთიერთშეთანხმებულად მათი ინტერესებისა და უნარების გათვალისწინებით.

პროექტის მოკლევადიანი შედეგი, უპირველესად, აღწერილი პროდუქციის შექმნაა, რომელიც თავდაპირველად წარედგინება შპს სკოლა მილენიუმის სასკოლო საზოგადოებას მათი ინფორმირებისა და პროექტის პროდუქციის დახვეწის მიზნით.

გრძელვადიანი შედეგი იქნება პროექტის ფარგლებში შექმნილი პროდუქციის ქალაქის მასშტაბით გასაჯაროება, უპირველესად, ჩვენს პარტნიორ სკოლებში. დადებითი შეფასებების შემთხვევაში ვიზრუნებთ ჩვენს მიერ შექმნილი გზამკვლევის ტირაჟირებაზე. მიგვაჩნია, რომ ის სერიოზულ დახმარებას გაუწევს რუსთაველებს და ჩვენი ქალაქის სტუმრებს.

პრობლემა ის გახლავთ, რომ ფაქტობრივად რუსთავს არ გააჩნია იმ ტიპის გზამკვლევი, რომლის შექმნასაც ჩვენი პროექტი ითვალისწინებს. მართალია, არის სხვადასხვა წყაროში გაბნეული ინფორმაცია, მაგრამ ისინი არაა შექმნილი სპეციალურად ტურისტული მიზნებისათვის.

ბოლო დროს, როცა ქალაქში, რომელსაც დიდი ისტორიული წარსული და არანაკლებ საინტერესო აღორძინების ისტორია აქვს, დამატებით კიდევ ბევრი ახალი ინიციატივა განხორციელდა, რომელტაგანაც ბევრი საერთაშორისო მნიშვნელობისაა (მოქანდაკეთა საერთაშორისო სიმპოზიუმი, თეატალური, ფოლკლორული თუ პოპულარული მუსიკის ფესტივალი) აუცილებლად მიგვაჩნია მ პრობლემის აღმოფხვრა და აღწერილი პროექტის განხორციელება.

მიზნის მისაღწევად დაიგეგმება შემდეგი ღონისძიებები: შეიქმნება რუსთავის ტურისტული გზამკვლევარი, საინფორმაციო ფლაერები და ბუკლეტები, რომელიც გაუადვილებს ჩვენი ქალაქის სტუმრებს, რომ გაეცნონ რუსთავის ისტორიულ კულტურულ ღირსშესანიშნაობებს, აგრეთვე პოპულარიზაციას გავუწევთ ქართულ სამზარეულოს თავად მიიღებენ მონაწილეობას ქართული კერძების მომზადებაში. პროექტის დასრულების შემდეგ მოეწყობა პრეზენტაცია და ვიდეო რგოლის ჩვენება, რომელსაც პროექტის მიმდინარეობისას გადავიღებთ. ეს ღონისძიებები დაიგეგმება რუსთსვის სხვადასხვა საინტერესო ადგილებში. პროექტს უხელმძღვანელებენ ანანო ჩალაძე და ანანო ინაშვილი.

გრანტის ფარგლებში საჭიროა მოხდეს საკანცელარიო ნივთების შეძენა; საჭირო იქნება პროექტორი, რითაც გაშუქდება პრეზენტაცია და ვიდეო რგოლი.

შპს სკოლა მილენიუმი, რომელიც პროექტს დაეხმარება კომპიუტერული ტექნიკით, ვიდეოგადაღებისათვის საჭირო მოწყობილობებით.

ამ პროექტის ბენეფიციარები იქნებიან როგორც ტურისტები, ასევე რუსთავის ადგილობრივი მცხოვრებლები. რუსთავში ჩასული ტურისტები ისარგებლებენ ინფორმაციული ბროშურებითა და რუკებით,  რომლებიც მათ ქალაქის მთავარ კულტურულ და ისტორიულ ღირსშესანიშნაობებს გააცნობენ. საქართველოს მდიდარი მემკვიდრეობის ჩვენებით, პროექტი მიზნად ისახავს მეტი ტურისტის მოზიდვას და ტურიზმის პოპულარიზაციას. ტურისტების გარდა ადგილობრივო მაცხოვრებლებიც ნახავენ სარგებელს. მათ ექნებათ შესაძლებლობა ჩაერთონ ამ პროექტში და წარმოაჩინონ თავიანთი ქვეყნის ისტორია, ტრადიციები, საქართველოსთვის დამახასიათებელი სამზარეულო, რაც ჩვენი ქალაქის ეკონომიკურ განვითარებასთანაც იქნება დაკავშირებული.

პედაგოგები - 43; მოსწავლეები - 95; მშობლები - 100;ეროვნული უმცირესობები -10.

შესაძლო რისკებს შორისაა  ტურისტების არასაკმარისი რაოდენობა. ამ პრობლემის მოსაგვარებლად, ჩვენ ხელს შევუწყობთ პროექტის სოციალური მედიის განვითარებას, შევქმნით სოციალურ გვერდებს, რომელთა მეშვეობითაც შევეცდებით მივაწვდინოთ ხმა საზოგდოებას.

ამ პროექტის მდგრადობა უზრუნველყოფილი იქნება საზოგადოების გრძელვადიანი ჩართულობითა და პარტნიორობით. პირველადი დაფინანსების დასრულების შემდეგ, ჩვენ ვგეგმავთ გავაგრძელოთ რუსთავის ტურიზმის პოპულარიზაცია ადგილობრივი ბიზნესებისა და ტურისტული ქსელების მეშვეობით, რომლებიც უზრუნველყოფენ ბროშურებისა და რუკების წარმოებას და გავრცელებას. გარდა ამისა, ჩვენ დავამყარებთ ურთიერთობას ადგილობრივ რესტორნებთან და შეფ-მზარეულებთან, რათა მოვაწყოთ ქართული კერძების დეგუსტაცია, როგორც კულტურული ღონისძიება.  ჩვენ ასევე შევქმნით მოხალისეობრივ პროგრამას, რათა ჩავრთოთ მაცხოვრებლები პროექტის შენარჩუნებასა და განახლებაში, რაც უზრუნველყოფს პროექტის ზრდას მომავალი წლების განმავლობაში.