გავუფრთხილდეთ სიცოცხლეს!

ანა უღრელიძე - მოსწავლე - პროექტის ავტორი;

ქეთევან გოლიაძე -  მოსწავლე - ორგანიზაციული საკითხების მოგვარება;

თაკო რომანაძე - მოსწავლე - სიმულაციური სწავლების დაგეგმვის ხელშეწყობა;

ქეთი მაისურაძე -  მოსწავლე - ორგანიზაციული საკითხების მოგვარება;

დიმიტრი ცენტერაძე -  მოსწავლე - სკოლაში ინფორმაციის გავრცელება; ტრანსპორტირების საკითხების მოგვარება;

მანანა დათუნაშვილი - სკოლის დირექტორის მოადგილე- სასწავლო ცხრილების მორგება მოწვეულ სპეციალისტების შეხვედრების გასამართავად;

თანამედროვე სამყაროში ძალიან მნიშვნელოვანი გახდა რთული სიტუაციების დროს დროული და ეფექტური გამოსავლის პოვნა; სწორი გადაწყვეტილებების მიღება და საკუთარი და სხვების სიცოცხლის და უსაფრთხოების შენარჩუნება. პროექტის მიზანია მოსწავლეებში, სასკოლო და სათემო საზოგადოებაში საგანგებო სიტუაციების დროს პირველადი დახმარების აღმოსაჩენად საჭირო უნარების განვითარება;

პროექტის განხორციელებისას დაგეგმილია სკოლაში სხვადასხვა სფეროს (სამედიცინო, პოლიცია, სახანძრო) სპეციალისტთა მოწვევა და მოსწავლეებისთვის ტრენინგების ჩატარება; ასევე დაგეგმილია მოსწავლეთა ერთობლივი ვიზიტები შესაბამის დაწესებულებებში, სადაც ადგილზე გასვლით მოხდება პრაქტიკული უნარ-ჩვევების მიღება საგანგებო სიტუაციებში საჭირო დროული ქმედებებისთვის; პროექტი ასევე ითვალისწინებს მასწავლებელთა, მშობელთა და ზოგადად თემის ჩართულობას ამ მეტად მნიშვნელოვან აქტივობებში; დაგეგმილია სიმულაციების და წვრთნების მოკლე პრაქტიკული კურსის ჩატარება.

პროექტის დასასრულს სასკოლო საზოგადოება იქნება აღჭურვილი საჭირო ცოდნითა და უნარებით რთულ სიტუაციებში დროული და აუცილებელი ქმედებების განსახორციელებლად.

პროექტის განხორციელების შედეგად მოსწავლეებს განუვითარდებათ რთულ და დაუგეგმავ სიტუაციებში გონივრული და აუცილებელი ქმედებების უნარ-ჩვევები, მათ ექნებათ სრული ინფორმაცია თუ რა პირველადი ნაბიჯები უნდა გადადგას ასეთ სიტუაციებში ადამიანმა, რომ იზრუნოს საკუთარ და სხვათა უსაფრთხოებაზე; მიღებულ ცოდნასა და გამოცდილებას ისინი გაუზიარებენ თანატოლებს და საკუთარი თემის წარმომადგენლებს.

მოსწავლეებს განუვითარდებათ გუნდური მუშაობის, თანამშრომლობის, დროული გადაწყვეტილებების მიღების უნარ-ჩვევები.

საგანგებო სიტუაცია დაუგეგმავი და მოულოდნელი მოვლენაა, რომელიც ნებისმიერ დროს და გარემოში შეიძლება განვითარდეს. მაგ. მიწისძვრა, ქარიშხალი, წყალდიდობა, ხანძარი და სხვა. განსაკუთრებით საშიშ და საფრთხისშემცველი ვითარება იქმნება, თუ ეს სასკოლო პერიოდში და სივრცეში ხდება. ასეთ დროს აუცილებელია მოსწავლეებმა იმოქმედონ პანიკის გარეშე, გადანაწილებული პასუხისმგებლობებით და ფუნქციებით. ეს კი აუცილებლად უნდა ისწავლებოდეს სწორედაც სასკოლო პერიოდში. საგანგებო სიტუაციაში შესაძლოა მოულოდნელად ერთი არასრულწლოვანი ან მათი ჯგუფი აღმოჩნდნეს და მათმა სწორად მიღებულმა გადაწყვეტილებამ და ქცევამ შესაძლოა ერთი ან რამდენიმე ადამიანის სიცოცხლე იხსნას.   სკოლაში და თემში ჩატარებული კვლევა და გამოკითხვები ადასტურებს, რომ ადამიანებს არ აქვთ სრულლყოფილი ინფორმაცია რთულ სიტუაციებში საჭირო გადაწყვეტილებების მისაღებად ან ვერ ახერხებენ სრულად და დროულად ადაპტაციას, რომ მართონ საკუთარი და სხვათა ქცევა. ეს კი იწვევს დაბნეულობას, შიშს, პანიკას. ამდენად პროექტის აქტივობები ამ საკითხებზეა ორიენტირებული.

პროექტის ფარგლებში სკოლაში მოწვეული იქნებიან საგანგებო სიტუაციების მართვის სამსახურიდან კვალიფიციური სპეციალისტები, რომლებიც მოსწავლეებს ჩაუტარებენ სასწავლო შეხვედრებს; აღნიშნული შეხვედრების ორგანიზებასა და გამართვაში მოსწავლეებს დაეხმარება სკოლის ადმინისტრაცია;

მოეწყობა სასწავლო ვიზიტები ამ სფეროს  სხვადასხვა ორგანიზაციებში: სახანძრო სამსახურში, სასწრაფო გადაუდებელ სამედიცინო სამსახურში, პოლიციაში. ვიზიტების განხორციელებაში მოსწავლეებს დაეხმარებათ მასწავლებლები და მშობლები;

მიღებული ცოდნისა და გამოცდილების სასკოლო და სათემო საზოგადოებისთვის გაზიარების მიზნით დაიბეჭდება და გავრცელდება საინფომაციო ფლაერები, აღნიშნულ პროცესში მოსწავლეებს დაეხმარებათ რეგიონალური არასამთავრობო ორგანიზაცია.

სპეციალისტების სკოლაში მოსაწვევად და სასწავლო-საინფორმაციო შეხვედრების ჩასატარებლად საჭირო იქნება მცირე სახის ჰონორარი;

მოსწავლეთა ტრანსპორტირებისთვის საჭირო იქნება სატრანსპორტო ხარჯები;

სასწავლო სიმულაციების მოსაწყობად საჭირო იქნება შესაბამისი მოწყობილობების თუ ნივთების შეძენა/დაქირავება;

ინფორმაციის გასავრცელებლად მოსწავლეებში საჭირო იქნება საინფორმაციო ფლაერების დამზადება და დაბეჭდვა;

საცდელი სწავლებისას საჭირო ნივთების მოძიება და შეძენა

,

სკოლის უფროსკლასელი მოსწავლეები; მშობლები; სწავლება ჩაუტარდება IX-X  კლასის მოსწავლეებს (ჯამში 50 მოსწავლე) და 10 მშობელი

50 მოსწავლე

10 მშობელი

თეორიული სასწავლო კურსის ჩატარების შემდეგ შესაძლოა გაგვიჭირდეს სასწავლო პრაქტიკული სიმულაციური კურსის ჩასატარებლად საჭირო ნივთების პოვნა.

ასეთ შემთხვევაში დაგვეხმარება შესაბამისი სამსახურის თანამშრომლები და მოსწავლეთა მშობლები, ასევე ცხადია სკოლის ადმინისტრაცია. პროექტის მსვლელობისას მოხდება შესაბამისი ფოტო და ვიდეო მასალის გადაღება და შესაბამის სასწავლო ინფორმაციასთან ერთად დაიბეჭდება საინფორმაციო ფლაერების სახით. მოხდება სკოლის მოსწავლეებისთვის მათი დარიგება. მოსწავლეები მასწავლებლების დახმარებით დაბალ კლასებშიც ჩაატარებენ საინფორმაციო შეხვედრებს და გაუზიარებენ მიღებულ ცოდნას სასკოლო თემს.

პროექტის შედეგად მიღებულ ცოდნასა და გამოცდილებას მოსწავლეები გაუზიარებენ თანატოლებს, დაარიგებენ საინფორმაციო ფლაერებს, მოაწყობენ პროექტის შემაჯამებელ საინფორმაციო შეხვედრას და პრეზენტაციას. სკოლაში შედგება მოხდება ერთგვარი ტრადიციის შექმნა ყოველწლიურად მოსწალეებისთვის ამ საკითხების სწავლების და ცოდნის გაზიარების კუთხით.