ინფორმაციული ლაბირინთი

ნინო ჭაბაშვილი, X კლასის მოსწავლე - უზრუნველყოფს პროექტზე მუშაობის ორგანიზებას, მუშაობს ვებგვერდის შექმნაზე, წერს სტატიას სოციალურ ქსელში უსაფრთხოების შესახებ, მონაწილეობას იღებს google Family Link-ის სახელმძღვანელოს შექმნაში მშობელთათვის, ამზადებს რეკლამას და მიუთითითებს კომერციული რეკლამის თავისებურებებზე დეზინფორმაციის თვალსაზრისით, მონაწილეობას იღებს ფლაერის მომზადებაში.

მარიამ ბახტურიძე, X კლასის მოსწავლე-მუშაობს ვებგვერდის შექმნაზე, წერს სტატიას სოციალურ ქსელში უსაფრთხოების შესახებ, მონაწილეობას იღებს google Family Link-ის სახელმძღვანელოს შექმნაში მშობელთათვის, ამზადებს რეკლამას და მიუთითითებს კომერციული რეკლამის თავისებურებებზე დეზინფორმაციის თვალსაზრისით, მონაწილეობას იღებს ფლაერის მომზადებაში.

გურამ ბურდილაძე, ქართული ენისა და ლიტერატურის, სამოქალაქო განათლების მასწავლებელი - პროექტის მონაწილეებისათვის ბლოგის (blogger.com) შექმნის ძირითადი პრინციპებისა და თავისებურებების გაცნობა, ვებგვერდის დამზადებაში დახმარება.

პროექტის საბოლოო მიზანია blogger.com-ის პლატფორმაზე საინფორმაციო-საინსტრუქციო ბლოგის შექმნა, რომლის შინაარსიც ითვალისწინებს თავდაცვას სოციალურ ქსელებში არსებული დეზინფორმაციისაგან, კომერციული რეკლამის გაანალიზების პრინციპებს, აგრეთვე მშობელთა მიერ შვილების დასაცავად Google Family Link-ის გამოყენების სახელმძღვანელოს.

პროექტის ფარგლებში შეიქმნება აგრეთვე საინფორმაციო ბუკლეტი, რომელიც დეზინფორმაციასთან ბრძოლის ძირათად პრინციპებზე მიუთითითებს.

პროდუქტის შექმნის შემდეგ პროექტის მონაწილეები გამართავენ ორ შეხვედრას, მოსწავლეებთან და დაწყებითი კლასების მოსწავლეთა მშობლებთან, რომლის დროსაც მოახდენენ როგორც ვებგვერდისა და ფლაერის დემონსტრაციას, ასევე წარადგენენ პრეზენტაციას დეზინფორმაციასთან ბრძოლის სხვადასხვა მეთოდზე.

მოკლევადიანი მიზნის თვალსაზრისით, პროექტი უზრუნველყოფს მოსწავლეთა და მათი მშობლების მიერ დეზინფორმაციის რაობისა და მასთან ბრძოლის საშუალებების შესახებ მეტ გაცნობიერებას; დაწყებითი კლასების მსობელთა ინფორმირებას ისეთი პროდუქტის შესახებ, როგორიცაა Google Family Link-ი, რომელიც უზრუნველყოფს ციფრულ სამყაროში ბავშვის უსაფრთხო მოძრაობის კონტროლს მშობლის მიერ.

პროექტის გრძელვადიან შედეგს უზრუნველყოფს blogger.com-ზე განთავსებული ვებგვერდი, რომელიც დროთა განმავლობაში შეივსება ახალი ინფორმაციებით, მაგალითად, დეზინფორმაციისაგან თავდაცვის საშუალებებით ელ.ფოსტის მოხმარებისას, ბრაუზინგის, ბანკინგის დროს და სხვ.

ციფრულ სამყაროში იშვიათი არაა როგორც წინასწარ დაგეგმილი, ისე უნებურად დეზინფორმაციის გავრცელების შემთხვევები. სამწუხაროდ, ზოგჯერ ამგვარ ინფორმაცია საკმაოდ სავალალო შედეგების მომტანია. მოსწავლეები და ხშირად მათი მშობლები სიღრმისეულად ვერ ფლობენ ინფორმაციას იმის შესახებ, თუ როგორ ამოიცნონ დეზინფორმაცია, როგორ დაიცვან მისგან თავი და ა.შ. მშობლებს აგრეთვე უჭირთ თავიანთი მცირეწლოვანი შვილების სხვადასხვა გაჯეტებზე მიჯაჭვულობის შერბილება, ციფრულ სამყაროში მათი მრავალნაირი საფრთხისაგან დაცვა და ა.შ.

ჩვენი პროექტი ემსახურება ამ პრობლემების გადაჭრაში ჩვენი მცირე წვლილის შეტანას.

Blogger.com-ის პლატფორმის მეშვეობით დამზადდება ვებგვერდი , რომელზედაც თავდაპირველად განთავსდება ინფორმაცია სოციალურ ქსელებში (Facebook) დეზინფორმაციისაგან თავდაცვის ხერხების შესახებ, იქნება მსჯელობა კომერციული რეკლამის თავისებურებების შესახებ, აგრეთვე განთავსდება Google Family Link-ის გამოყენების სახელმძღვანელო - ვებგვერდზე მუშაობაში მონაწილეობას მიიღებენ ნინო ჭაბაშვილი და მარიამ ბახტურიძე. მათი მენტორი ვებგვერდზე მუშაობის პრინციპებთან დაკავშირებით იქნება მასწავლებელი გ. ბურდილაძე.

პროექტის მონაწილეები ამავე თემატიკაზე დაამზადებენ საინფორმაციო ბუკლეტს და გაავრცელებენ სასკოლო საზოგადოებაში.

პროექტის ფარგლებში მოეწყობა ორი შეხვედრა მოსწავლეებთან და დაწყებითი კლასის მოსწავლეთა მშობლებთან. შეხვედრების მიზანი გახლავთ პროექტის ფარგლებში შექმნილი პროდუქტების წარდგენა, Google Family Link-ის სახელმძღვანელოს გაცნობა და დეზინფორმაციასტან ბრძოლის სხვა საშუალებების შესახებ პრეზენტაციის დემონსტრირება.

მონიტორი (Smart TV, რომელსაც აქვს ეკრანის გაზიარების, ვიდეოს, პრეზენტაციების დემონსტრირების ფუნქცია) - ამ ტექნიკურ საშუალებას გამოვიყენებთ როგორც პროექტის პროდუქტების, ასევე სხვადასხვა სოციალური ქსელის, რეკლამის და სხვ. სადემონსტრაციოდ. მას გამოვიყენებთ აგრეთვე მოსწავლეებთან და მათ მშობლებთან შეხვედრებისას. ეს მოწყობილობა სხვა პროექტებზე მუშაობისასაც უაღრესად სასარგებლო იქნება.

ბუკლეტების ბეჭდვა - პროექტი ითვალისწინებს ბუკლეტების მომზადებას დეზინფორმაციასთან ბრძოლის სხვადასხვა საკითხზე. ბუკლეტები გავრცელდება სასკოლო საზოგადოებაში.

საკანცელარიო საქონელი - პროექტისათვის საჭირო იქნება სხვადასხვა სახის საკანცელარიო საქონელი და სახარჯი მასალები.

პროექტის პარტნიორი იქნება შპს სკოლა მილენიუმი, რომელიც პროექტს მხარს დაუჭერს მის ხელთ არსებული ყველა საშუალებით, კერძოდ, სამუშაო ადგილით, კომპიუტერებით და პრინტერით.

პროექტით სარგებელს მიიღებენ სასკოლო საზოგადოების წარმომადგენლები, აგრეთვე ინტერნეტის მომხმარებლები, რომლებიც დეზინფორმაციასთან ბრძოლის საკითხებით არიან დაინტერესებული.

სასკოლო საზოგადოების თვალსაზრისით ბენეფიციართა საერთო რაოდენობა 200-ს გადააჭარბებს.

პედაგოგები-40; მოსწავლეები -95; მშობლები - 60-70; ეროვნული უმცირესობები - 10.

პროდუქტების შექმნის თვალსაზრისით პროექტი პრაქტიკულად გამორიცხავს რისკებს. შესაძლოა იყოს მცირეოდენი შეფერხებები (არდადეგები, ავადმყოფობა...), მაგრამ პროექტის ხანგრძლივობა ამ შესაძლო შეფერხებებს ითვალისწინებს.

შესაძლოა გართულდეს პროექტით გათვალისწინებული შეხვედრების ორგანიზება, რადგან მოსწავლეებს უჭირთ არასასწავლო დროს სკოლაში გამოცხადება, ასევე მსობლებთან შეხვედრაც არასამუშაო დროს უნდა დაორგანიზდეს. ამ პრობლემების დასაძლევად გამოვიყენებთ კარგ საინფორმაციო კამპანიას, აგრეთვე დირექციის დახმარებასაც.

პროექტი ქმნის ისეთ პროდუქტს, რომელსაც არსებობის გასაგრძელებლად დამატებითი დაფინანსება არარ დასწირდება. Blloger.com-შექმნილი ვებგვერდი დანახარჯებს არ მოითხოვს. საჭიროა მხოლოდ მისი განვითარება ახალი მასალების დამატების გზით, აგრეთვე SEO ოპტიმიზაციის საშუალებით მისი პოპულარობის გაზრდა. ჩვენ იმედი გვაქვს, რომ მილენიუმელტა ახალი თაობები გააგრძელებენ ვებგვერდის დახვეწასა და განვითარებას.