სამოქალაქო განათლების და პედაგოგთა გადამზადების პროგრამის (ACETT) მცირე გრანტების კონკურსი

პრიორიტეტი მიენიჭება ისეთ ინიციატივებს, რომლებიც მიზნად  ისახავს საზოგადოების საჭიროებების დაცვასა და გადაწყვეტას ახალგაზრდების უშუალო მონაწილეობით და წარმოდგენილია მოსწავლეთა ჯგუფების მიერ, სამოქალაქო განათლების პედაგოგებთან, ადგილობრივ მედიასთან, სკოლის ადმინისტრაციასთან, ადგილობრივ თვითმმართველობასთან და სხვადასხვა ადგილობრივ ჯგუფებთან თანამშრომლობით.  უპირატესობად ჩაითვლება, თუ გრანტის განხორციელება მოიცავს თანამშრომლობას ადგილობრივ მედიასთან (ტელევიზიასა და რადიო არხებთან) და/ან სახელმწიფო თუ არასამთავრობო ორგანიზაციებთან და კერძო სექტორთან.

პროექტების შერჩევისას ყურადღება მიექცევა შემდეგს:

• არის თუ არა წარდგენილი აპლიკაცია სწორად და სრულფასოვნად შევსებული;
• პასუხობს თუ არა წარდგენილი პროექტი საგრანტო კონკურსის მოთხოვნებს;
• რამდენად შეძლებს პროექტი დამოუკიდებელ არსებობას დასრულების შემდეგ (პროექტის მდგრადობა);
• რამდენად შეესაბამება პროექტი აღწერილ საჭიროებებს;
• რამდენად შესაბამისი და ეფექტურია შემოთავაზებული პროექტის ბიუჯეტი;
• რამდენად შესაძლებელია პროექტის ფარგლებში გრძელვადიანი და სტაბილური შედეგების მიღება და
• რამდენად უზრუნველყოფს მოსწავლეთა ჩართულობას.