„სკოლა ,,ევრო 2000“-დან გორგაძეების

სესილი ჯაყელი, ანანო კომახიძე, ანრი მალაყმაძე, ნინო ქენქაძე, ანი მახარაძე, დაჩი აბდულიშვილი, დემეტრე თენიეშვილი, ელენე ჯიჯავაძე, თორნიკე ჭანტურია - პროექტის განმახორციელებელი გუნდი (კოორდინატორი, კომუნიკაციების მენეჯერი, ასისტენტი, პრეზენტატორი)

პროექტის მიზანია მუსლიმთა თემის, ქართული ისლამური კულტურული მემკვიდრეობის (ხის მეჩეთების) უკეთ გაცნობა, აჭარის მუსლიმური თემის მიმართ არსებულ სტერეოტიპებთან ბრძოლა, მოსწავლეებში ქვეყნის კულტურული და რელიგიური მრავალფეროვნების იდეის პოპულარიზაცია.

არაფორმალური განათლების განვითარება: მოსწავლეები შეძლებენ შემდეგში დაგეგმონ სასწავლო ვიზიტები აჭარასა და ქვეყნის სხვა რეგიონებში თანატოლების უკეთ გასაცნობად და ქვეყნის კულტურული, რელიგიური მრავალფეროვნების შესაცნობად.

კულტურული თანასწორობა და ტოლერანტობა: ისლამურიკულტურის უკეთ გაცნობა და ღია კომუნიკაცია ხელსშეუწყობს საზოგადოებაში მეტი ტოლერანტობისა და ურთიერთგაგების ჩამოყალიბებას.

დამოუკიდებელი ინიციატივების განხორციელება: მოსწავლეები შეძლებენ შემდეგში დამოუკიდებლად მოიძიონ და მოიპოვონ საგრანტო დაფინანსება საკლასო, სასკოლო, თემის პროექტების განსახორციელებლად

პროექტი ეხმაურება პრობლემას, რომელიც უკავშირდება კულტურულ მრავალფეროვნებაზე მწირი ინფორმაციის ქონას და რელიგიური ტოლერანტობის დაბალ დონეს ახალგაზრდა თაობაში, განსაკუთრებით მუსლიმურ თემთან მიმართებაში. რეგიონებში, სადაც ეთნიკური და რელიგიური მრავალფეროვნება იზრდება, ხშირად წარმოიშობა სტერეოტიპული წარმოდგენები, რომლებიც განპირობებულია მიკერძოებული და მცდარი შეხედულებებით. მაგალითად, მუსლიმური თემის შესახებ გავრცელებული სტერეოტიპები და წინასწარი მოლოდინები ხშირად ქმნიან საზოგადოების გარკვეულ ნაწილში გაუცხოებას. ამგვარი პრობლემების არსებობა ხელს უშლის ხალხებს შორის ჰარმონიულ და მშვიდობიან თანაცხოვრებას. პროექტი მიზნად ისახავს სწორედ ამ სტერეოტიპების და არასწორი წარმოდგენების გადალახვას, რათა ადგილობრივმა მოსახლეობამ უკეთ გაიგოს მუსლიმური კულტურა, ტრადიციები და რელიგია. შედეგად, პროექტი ხელს შეუწყობს სხვადასხვა ჯგუფებს შორის ურთიერთგაგებას, ურთიერთსამართლიანობასა და ტოლერანტობას.

ჩვენ ვგეგმავთ ღორჯომის თემის სოფელ გორგაძეებისსკოლისთვის წიგნებისა და სხვა საჭირო მასალების გადაცემას, ასევე სოფელ ღორჯომისა და ქედის სოფელ ზვარეს ხის მეჩეთების მონახულებას, რაც დაეხმარება ბავშვებს მუსლიმური თემის ისტორიისა და კულტურის უკეთ გაცნობაში. ვიზიტის ფარგლებში გადავიღებთ ფოტოებს, რომლებიც შემდგომ გამოყენებული იქნება ფოტო გამოფენის მოსაწყობად სკოლა „ევრო 2000“-ში. გარდა ამისა, გავიცნობთ ადგილობრივ მეწარმე ქალებს, რომლებიც თავიანთი ხელით ამზადებენ უნიკალურ აჭარულ ნივთებს, და სკოლაში გავმართავთ ამ ნივთების გამოფენა-გაყიდვასფოტოგამოფენის პარალელურად, რაც ხელს შეუწყობს ადგილობრივი მეწარმეების და ეთნოხელოვნების პოპულარიზაცია

დაფები, მარკერები, კალმები და სხვა რა მასალები;

ფოტოების დიდ ფორმატში ბეჭდვა;

სკოლა ,,ევრო 2000”

სკოლა გორგაძეები

„მხარდაჭერის და შესაძლებლობების განვითარების ცენტრი“

„სოლიდარობის თემი“

ევრო 2000“- ის სკოლის მოსწავლეები, მასწავლებლები
• ღორჯომის თემის სოფელ გორგაძეების სკოლის მოსწავლეები და მასწავლებლები
• მაღალმთიანი აჭარის მუსლიმური თემების ნაწილი
• მაღალმთიანი აჭარის მეწარმე ქალების ნაწილი

სკოლა ,,ევრო 2000” 1200 მოსწავლე და 100 მასწავლებელი

სკოლა გორგაძეებიდან 51 მოსწავლე და 12 მასწავლებელი

დროის მენეჯმენტის სირთულეები

რისკი: რეგიონის მიუწვდომელობა ცუდი ამინდის პირობებში ან სხვა მოულოდნელი ფაქტორები

გადაჭრის გზა: პროექტის გეგმაში დამატებითი დროის ჩადება მოულოდნელ შეყოვნებებზე რეაგირებისთვის და მჭიდრო მონიტორინგი/ადაპტირება საჭიროებისამებრ

გადაადგილების პრობლემა მაღალმთიან აჭარაში

რისკი: რთული გეოგრაფიული პირობები, არასაკმარისი ინფრასტრუქტურა და არახელსაყრელი ამინდის პირობებში გადაადგილების პრობლემა.

გადაჭრის გზა: წინასწარ დაგეგმვა, ტრანსპორტირების მარშრუტების დეტალური კვლევა, ალტერნატიული გზების განსზღვრა და ადგილობრივი გიდების ან ორგანიზაციების დახმარების გამოყენება. ასევე, ინფორმაციის მიღება ამინდზე და მისი რეგულარული მონიტორინგი.

პარტნიორობის გაღრმავება: პროექტის განმავლობაში დამყარებული კავშირები ადგილობრივ თემთან, არასამთავრობო ორგანიზაციებთან გამოყენებული იქნება მომავალი ინიციატივებისთვის.

ფოტო გამოფენები და კამპანიები: პროექტის ფარგლებში გადაღებული მასალები გამოყენებული იქნება სამომავლო კამპანიებში, რომლების მიზნად ისახავს თემის ცნობიერების ამაღლებას.

პროექტის შედეგების გავრცელება ხელს შეუწყობს დამატებითი ფინანსური და საზოგადოებრივი რესურსების მოზიდვას.