„სთრით არტი-ჩემი ხმა“

ნია აბულაძე თბილისის 142-ე საჯარო სკოლის VIII კლასის მომსწავლე.

ქუჩის მხატვრობის ხელშეწყობა, რომელიც არის ერთ-ერთი საუკეთესო საშუალება მოსწავლეებმა გამოხატონ თავისი პოზიცია ცხოვრების,  სოციალური- ეკონომიკური პრობლელემების შესახებ და თავიანთი იდეები  კედლებზე გადაიტანონ. გვინდა პრობლემების ფერადი და მნახველისათვის გასაგები ენით გადმოცემა. რათა შეიქმნას ურბანული გალერეა, რომლის დათვალიერებაც ყველა ადამიანისთვის ხელმისაწვდომი იქნება.

მნიშვნელოვანია ხელი შევუწყოთ ბევრი ხელოვანი მოსწავლის აღმოჩენას, ქუჩის ხელოვნებით მეტი ადამიანის დაინტერესებას, თბილისის მასშტაბით კიდევ მრავალი გამორჩეული კედლის შექმნას და ხმის მიწვდენას საზოგადოებისთვის.

პრობლემა თაბაშირჩამორეცხილი ნაცრისფერი ბლოკების დგას ჩვენს დასახლებაში, გვინდა ჩვენ ჩვენი წვლილი შევიტანოთ კედლის მხატვრობით, ჩვენი შექმნილი ფოტოებით დავამტკიცოდ, რომ მოხატული კედლის დანახვა ბევრად სასიამოვნოა და ესთეტიური.  გვსურს შევცვალოთ ჩვენი დასახლების იერსახე, მოვხატოთ ფერადი და თბილი ფერებით. ქუჩის მხატვრობა, რომელიც ბოლო პერიოდში ხელოვნების ცალკე მიმართულებად გადაიქცა, ურბანიზაციის ყველაზე საინტერესო კულტურაა, რომელიც თვალისმომჭრელი ფერებითა და ნახატებით გვესაუბრება. ასევე გვინდა აღმოვაჩინოთ მეტი ნიჭიერი ახალგაზრდა, რომელიც დაინტერესდება მხატვრობით და გადმოსცემს მნიშვნელოვანი სათქმელს.ჩვენი მიზანია ხელოვნების მხარდაჭერა და ჩვენი წვლილის შეტანა.  ქუჩის ხელოვნებაში ყველაზე კარგი ისაა, რომ  ნამუშევრის ნახვა და მისი სათქმელის მოსმენა ნებისმიერ გამვლელს შუძლია.

ღონისძიებები, რომლის განხორციელებასაც  ვაპირებთ აღნიშნული პროექტის ფარგლებში არის შენდეგი:

1. პრე ტესტი/გამოკითხვა  თემატიკის შერჩევის მიზნით (სკოლა და თემი) .

2. სასკოლო კონკურსი-პოსტერების შექმნა.

3. სკოლის 1 კედლის მოხატვა.

4. ადგილობრივ გამგეობასთან(მერიასთან) თანამშრომლობა.

5. დასახლებაში თავისუფალი კედლების  შერჩევა.

6. კედლების მოხატვა (თემატურად).

7. დასახლებაში არსებული სხვადასხვა სკოლების ჩართვა მიმდინარე პროცესში.

8. პოსტ ტესტი/გამოკითხვა შედეგების გაანალიზება.

ჩვენ პროექტის განსახორციელებლად გვჭირდება საღებავი სპრეის ხელსაკიდი, გრაფიტის საღებავები, ხელთათმანები და პირბადეები.

პროექტის ფარგლებში ვითანამშრომლებთ ადგილობრივ გამგეობასთან, მერიასთან კედლის მხატვრობის ნებართვასთან დაკავშირებით.

სკოლის საზოგადოება და თემქის დასახლება.

სარგებელს მიიღებს 6 პედაგოგი; 30 მოსწავლე; 60 მშობელი; აქედან ეროვნული უმცირესობები 10 და თემქის დასახლების მოსახლეობა.

ყველაზე დიდი რისკი ჩვენთვის იქნება ნებართვაზე უარის მიღება, თუმცა შევეცდებით დავწეროთ სამოტივაციო წერილი და სწორად მივიტანოთ ადრესატამდე ჩვენი სათქმელი.

დაფინანსების შემთხვევაში ჩვენ გვექნება მეტი მოტივაცია გავაგრძელოთ დაწყებული საქმე. მონაწილეობას მივიღებთ სხვადასხვა ფესტივალებსა და ქუჩის ხელოვნების მოძრაობაში და შევქმნით ქალაქის დასამახსოვრებელ იერსახეს. (შეუერთდებით თბილისის მერიის ინიციატივას).